Қазақстанда шағын ауылдардың жаппай жабылуы күтіледі ме? Депутаттар әкімшілік-аумақтық құрылым туралы Конституциялық заңды бірінші оқылымда мақұлдады, деп хабарлайды БАҚ.

Заң жобасында алғаш рет халық саны және инфрақұрылымның даму деңгейі бойынша елді мекендердің нақты градациясы енгізіледі. Республикалық маңызы бар қалаларда 1 млн-нан астам адам, облыстық - 50 мыңнан астам, аудандық - 10 мыңнан бастап, поселкелерде - 500-ден астам тұрғындар болуы тиіс.

Елді мекеннің ең төменгі шегі 50 адам деңгейінде белгіленген. Бiрқатар шағын, бiрақ стратегиялық маңызы бар қалалар үшiн ерекшелiктер көзделген (Курчатов, Арқалық, Байқоңыр және т.б.).

Егер елді мекен критерийлерге сәйкес келмесе, байқау кезеңі бар мәртебені қайта қарау рәсімі басталады: қалалар үшін 5 жыл және ауылдар мен елді мекендер үшін 3 жыл, содан кейін мәртебені өзгерту немесе аумақтарды біріктіру мүмкін.

Қайта атау және транскрипция тәртібі жеке реттеледі: шешімдер тарихи факторлар мен тұрғындардың пікірін ескере отырып, комиссия арқылы қабылданады

Мәжілістен заң жобасы бойынша Парламент палаталарының бірлескен комиссиясының құрамына депутаттар Мұқаш Ескендіров, Данабек Исабек, Руслан Қожасбаев және Еркебұлан Мәмбетов, Сенаттан - Жанна Асанова, Әли Бектаев, Жанболат Жоргенбаев және Бауыржан Қаниев кірді. Комиссия төрағасы болып Әли Бектаев сайланды.

Парламент Конституциялық заң жобасын бірінші оқылымда мақұлдады.

Abai.kz