Соғыс пен экономикалық арпалыс күшейген тұста Кремльден шулы шешім шықты.

Reuters агенттігінің жариялаған жаңа бюджет жобасына сүйенсек, Ресей 2027 жылы әскери шығындарын рекордтық межеге — 17,1 триллион рубльге дейін шарықтатпақ. Бірақ бұл «жеңістің» бағасы тым қымбатқа түсіп жатыр: қарапайым халықтың әлеуметтік көмегі, білім беру мен денсаулық сақтау қаржысы күрт қысқартылмақ!

Негізгі соққы қайда бағытталды?

• Әскери дүмпу: Қорғаныс шығындары шарықтап кеткендіктен, мемлекет кірісті толтыру үшін салықтарды өсіріп қана қоймай, әлеуметтік бағдарламаларды шектеуге мәжбүр.
• Білім мен әлеуметтік сектор құрбандыққа шалынуда: Мектептерге, әлеуметтік көмектерге және медицинаға бөлінетін жоспарлы қаражат 6-7% шамасында азайтылып отыр.
• Қарыз қамыты: Мемлекеттік қарызды өтеу шығындары да шарықтап, ел экономикасына түсетін ауыртпалық жыл сайын артып барады.

«Пушки не масло» қағидасы іске қосылған тұста, Мәскеудің бұл қадамдары халықтың әл-ауқатына қалай әсер етеді? Сарапшылардың пікірінше, соғыс машинасының шексіз тәбеті Ресейдің ішкі экономикалық тұрақтылығына үлкен қатер төндіріп отыр.

Бұл экономикалық саясат ұзаққа бара ма?

Abai.kz