Бүгін АҚШ Украина шекарасы маңына орналасқан Ресей әскери техникаларының жаңа  фотосуреттерін жариялады. Бір апта бұрын ғана Ресей президенті Путин Украина шекарасындағы Ресей әскерлерінің әкетілгендігі туралы хабарлаған болатын. Сәйкесінше НАТО да Ресейді бақылауды тоқтатуы тиіс болған. BBC-дың орыс тілді жаңалықтарына жарияланған спутниктен түсірілген суреттер - Украина шекарасынан 75 шақырым территория ішінде Ресейдің ауыр соғыс техникалары тұрғанын көрсетуде. Фото суреттер АҚШ-тың НАТО жанындағы департаментінің ресми «Twitter» есебінде жарияланған. Екі фото сурет 9-12 мамыр аралығында түсірілген. Салыстырмалы түрде фото суреттер түсірілген Белгоград маңы мен Ростов аймағының 22 наурыздағы фотолары да қоса берілген. Соғыс техникалары шекара маңына 23 наурызда топтастырылған. Содан бері кері шегіну әрекеті байқалмаған. Бұл фотолардан Ми-8 және Ми-24 сияқты бомбалаушы тік ұшақтарды, брондалған машиналарды, шабуылдаушы танктарды, Су-30 секілді истребителдер мен Су-24 сияқты бомбалаушы ұшақты байқауға болады.

Абай-ақпарат