بۇگىن اقش ۋكراينا شەكاراسى ماڭىنا ورنالاسقان رەسەي اسكەري تەحنيكالارىنىڭ جاڭا  فوتوسۋرەتتەرىن جاريالادى. ءبىر اپتا بۇرىن عانا رەسەي پرەزيدەنتى پۋتين ۋكراينا شەكاراسىنداعى رەسەي اسكەرلەرىنىڭ اكەتىلگەندىگى تۋرالى حابارلاعان بولاتىن. سايكەسىنشە ناتو دا رەسەيدى باقىلاۋدى توقتاتۋى ءتيىس بولعان. BBC-دىڭ ورىس ءتىلدى جاڭالىقتارىنا جاريالانعان سپۋتنيكتەن تۇسىرىلگەن سۋرەتتەر - ۋكراينا شەكاراسىنان 75 شاقىرىم تەرريتوريا ىشىندە رەسەيدىڭ اۋىر سوعىس تەحنيكالارى تۇرعانىن كورسەتۋدە. فوتو سۋرەتتەر اقش-تىڭ ناتو جانىنداعى دەپارتامەنتىنىڭ رەسمي «Twitter» ەسەبىندە جاريالانعان. ەكى فوتو سۋرەت 9-12 مامىر ارالىعىندا تۇسىرىلگەن. سالىستىرمالى تۇردە فوتو سۋرەتتەر تۇسىرىلگەن بەلگوگراد ماڭى مەن روستوۆ ايماعىنىڭ 22 ناۋرىزداعى فوتولارى دا قوسا بەرىلگەن. سوعىس تەحنيكالارى شەكارا ماڭىنا 23 ناۋرىزدا توپتاستىرىلعان. سودان بەرى كەرى شەگىنۋ ارەكەتى بايقالماعان. بۇل فوتولاردان مي-8 جانە مي-24 سياقتى بومبالاۋشى تىك ۇشاقتاردى، بروندالعان ماشينالاردى، شابۋىلداۋشى تانكتاردى، سۋ-30 سەكىلدى يسترەبيتەلدەر مەن سۋ-24 سياقتى بومبالاۋشى ۇشاقتى بايقاۋعا بولادى.

اباي-اقپارات