“Орда” тобының әншісі Ринат Заитовқа осыдан біраз бұрын елді дүрліктірген сұқбатына орай жауап берді. Ерболат Беделхан Gakku арнасына берген сұхбатында айтыскер ақынға әуелі өзін таныстырды: «Орданың» баласы деп отыр.

Естеріңізде болса Ринаттың “қылмыскерлер” деп атаған “91” тобына қатысты әңгімесіне Ерболат Беделханның інісі Есболат та өз пікірін айтқан болатын: «Ринатқа «NinetyOne» тобының шығармашылығы, нақтырақ айтсақ бәлкім жігіттердің  сыртқы бейнесі ұнамайтын шығар. Ол өз пікірін айтып тұр. Менің жеке басымда Ринатқа тағар мінім жоқ», – деген еді жас әнші.

Ринат халықтың алдында жүрген, елге беделі бар, өзі де ән өнерінен алыста жүрмеген азамат. Ал оның жаңадан талаптанып келе жатқан топ жайында бұлай деуі оларды аяқтан шалумен бірдей екендігін топтың продюсері ретінде Ерболат жоққа шығармады.

«Сонда да Ринатқа  еш айтар мінім жоқ. Не ойы бар білмедім. Ерболаттың шәкірттері  жолдарын тауып өнерлерін көрсетер. Бастысы жігіттер нағыз өнер иелері және олар оны дәлелдейді! Алтын жерде жатпайды!», – деді Ерболат Беделхан.

Бұдан біраз бұрын “Сырласу” бағдарламасына сұқбат берген Ринат Зайытов шашын бояп, құлағына сырға тағып жүретін жігіттерден жиіркенетінін айтқан еді. Оның ойынша, мұндай топ қазақи болмысқа жат. Алайда, топтың көптеген жанкүйерлері ақынның бұл пікіріне келіспейтіндіктерін білдірген болатын. Дегенмен Ринаттың айтып отырған сөздерін жақтаушылар да жоқ емес.

Дереккөз: juldizdar.kz