“وردا” توبىنىڭ ءانشىسى رينات زايتوۆقا وسىدان ءبىراز بۇرىن ەلدى دۇرلىكتىرگەن سۇقباتىنا وراي جاۋاپ بەردى. ەربولات بەدەلحان Gakku ارناسىنا بەرگەن سۇحباتىندا ايتىسكەر اقىنعا اۋەلى وزىن تانىستىردى: «وردانىڭ» بالاسى دەپ وتىر.
ەستەرىڭىزدە بولسا ريناتتىڭ “قىلمىسكەرلەر” دەپ اتاعان “91” توبىنا قاتىستى اڭگىمەسىنە ەربولات بەدەلحاننىڭ ءىنىسى ەسبولات تا ءوز پىكىرىن ايتقان بولاتىن: «ريناتقا «NinetyOne» توبىنىڭ شىعارماشىلىعى، ناقتىراق ايتساق بالكىم جىگىتتەردىڭ سىرتقى بەينەسى ۇنامايتىن شىعار. ول ءوز پىكىرىن ايتىپ تۇر. مەنىڭ جەكە باسىمدا ريناتقا تاعار ءمىنىم جوق»، – دەگەن ەدى جاس ءانشى.
رينات حالىقتىڭ الدىندا جۇرگەن، ەلگە بەدەلى بار، ءوزى دە ءان ونەرىنەن الىستا جۇرمەگەن ازامات. ال ونىڭ جاڭادان تالاپتانىپ كەلە جاتقان توپ جايىندا بۇلاي دەۋى ولاردى اياقتان شالۋمەن بىردەي ەكەندىگىن توپتىڭ پروديۋسەرى رەتىندە ەربولات جوققا شىعارمادى.
«سوندا دا ريناتقا ەش ايتار ءمىنىم جوق. نە ويى بار بىلمەدىم. ەربولاتتىڭ شاكىرتتەرى جولدارىن تاۋىپ ونەرلەرىن كورسەتەر. باستىسى جىگىتتەر ناعىز ونەر يەلەرى جانە ولار ونى دالەلدەيدى! التىن جەردە جاتپايدى!»، – دەدى ەربولات بەدەلحان.
بۇدان ءبىراز بۇرىن “سىرلاسۋ” باعدارلاماسىنا سۇقبات بەرگەن رينات زايىتوۆ شاشىن بوياپ، قۇلاعىنا سىرعا تاعىپ جۇرەتىن جىگىتتەردەن جيىركەنەتىنىن ايتقان ەدى. ونىڭ ويىنشا، مۇنداي توپ قازاقي بولمىسقا جات. الايدا، توپتىڭ كوپتەگەن جانكۇيەرلەرى اقىننىڭ بۇل پىكىرىنە كەلىسپەيتىندىكتەرىن بىلدىرگەن بولاتىن. دەگەنمەن ريناتتىڭ ايتىپ وتىرعان سوزدەرىن جاقتاۋشىلار دا جوق ەمەس.
دەرەككوز: juldizdar.kz
