Қазақ қоғамы жерді шетелдіктерге жалға бермеу жөнінде бастама көтеріп, алашапқын болып жатқанда қазақстандық гомосексуалдар Алматының Горький атындағы саябағында гей-фестиваль өткізбекші. Бұл жөнінде Nur.kz "Экспресс-К" басылымына сілтеме жасай отырып хабарлады.
Олар қазір осы фестивальді өткізу үшін қаражат жинап жатқан көрінеді. Егер де межелі қаражатты жинап үлгермесе, іс-шара арнайы түнгі клубтардың бірінде өтеді-міс. Бұл фестивальге қатысатындар арнайы шақыртумен ғана баратын көрінеді.
«Сауалнама нәтижесі бойынша, қазақстандықтардың 82%-ы гейлерді жақсы қабылдамайды. Әрбір төртінші гей өткен-кеткеннің соққысына жығылады. Бізге қоқан-лоққы көрсетеді, қорқытуға тырысады (…) Бұл фестиваль стереотиптерді жоюға бағытталған алғашқы қадам болмақ», — дейді Сад.
Бір қызығы Алекс гейлерді жақтағанымен, лесбилерді «түсінбейтін» болып шықты. Сол себепті, бұл іс-шараға лесбилер шақыртылмады.
Шәріпхан Қайсар
Abai.kz
