Қазақстанның территориялық тұтастығын әм Тәуелсіздігін  мойындамайтын ресейлік шенеуніктердің көшін Думаның дүмше депутаты Владимир Жириновский бастайтынын әріп танитын әр қазақ біледі.

Қазақстанды Ресейдің «мәңгілік боданы» деп, елдің солтүстіктігін РФ құрамына қосу керектігін айтып алашапқын болып жүрген Жириновскийдің өз пікірін өзі терістеген мына сұхбаты кезекті талқының тақырыбына айналды.

«Алматы менің туған қалам және мен онда 18 жыл тұрдым. 1946-1964 жылдар аралығы болатын. Қазір Ресейде ешкім Қазақстанның Тәуелсіздігіне күмән келтірмейді. Әрине мен де оған көз жұмбаймын. Бұл кейбір журналистердің менің сөзімді бұрмалағанынан туып отыр. Былтыр «Эхо Москва» радиосында мені бір бағдарламаға шақырды. Оның жүргізушісі Плющев болды. Сонда біз Украина мәселесін талқылап жатыр едік. Журналист маған, «келесі кім болады? Қазақстан ба?» деп сұрақ қойды. Мен, «қазір емес, бұл жерде біз Қазақстанды талқылауға келген жоқпыз» деп жауап бердім. Ал Қазақстанға бұл жаңалық «Міне, Жириновский Украинадан кейін Қазақстанды басып аламыз» деп айтыпты деп жеткен.»,-дейді Жириновский.

Abai.kz