Қырғызстанның мемлекеттік шекара қызметінің төрағасы Райымберді Дүйшенбиев өзбек тарабының 26 наурызда Жалал-Абад облысы Ақсы ауданындағы Чаласарт елде мекені тұсындағы шекараның даулы бөлігінен әскери техникасы мен әскерін алып кеткені туралы баяндады.

Оның сөзінше, екі елдің шекара қызметінің бөлімдері келісім бойынша шекараны күзетудің қалыпты тәртібіне көшкен.

Өзбек тарабы әскері мен техниканы екі елдің шекара қызметінің басшылары 25 наурызда «Қызыл-Қия-автодорожный» өткізу бекетінде кездескен соң алып кетуге келіскен. Қырғызстан шекара қызметінің хабарлауынша, кездесу өзбек тарабының бастамасымен өткен.

Шекарадағы текетірес 18 наурызда өзбек билігі екі ел арасындағы шекараның белгіленбеген бөлігіне әскері мен техникасын шоғырландырғаннан басталды. Бұған жауап ретінде қырғыз жағы да шекараның даулы бөлігіне қосымша әскери күштерін әкелген еді.

Абай-ақпарат