Жұма, 29 Наурыз 2024
Жаңалықтар 4626 0 пікір 4 Наурыз, 2016 сағат 14:28

РЕСЕЙ СІМ: АҚШ-ТЫҢ САНКЦИЯ САЯСАТЫНЫҢ БОЛАШАҒЫ ЖОҚ

Ресейдің сыртқы істер министрлігі АҚШ-тың Ресейге қарсы санкция шараларын ұзарту туралы шешіміне түсініктеме берді.

Ресейдің дипломатиялық қызметі Құрама Штаттардың бұл әрекеті екі елдің ең маңызды халықаралық түйткілдерде бірлесіп әрекет ету мүмкіндігінен айырады деп санайды. АҚШ-тың санкция саясатының болашағы жоқ деп атаған сыртқы істер министрлігі Ресей де өз тарабынан жауап шараларды қолға алатынын мәлімдеді.

Ресей СІМ түсініктемесінде санкциялардың украин дағдарысын шешуге көмектеспейтінін және ресей-американ қарым-қатынасына кесірін тигізетінін айтқан.

Бұған дейін АҚШ президенті Барака Обаманың Ресейге қатысты санкцияны тағы бір жылға ұзартқаны белгілі болды. Ақ үй таратқан құжатта Ресейдің Украинаға қарсы ұстанған саясаты мен әрекеті бұл елдің тыныштығына, қауіпсіздігіне, тұрақтылығына, тәуелсіздігі мен аумағының тұтастығына қауіп төндіретіні және Украинадағы демократиялық үрдістер мен институттардың қызметіне тосқауыл болатыны көрсетілген.

Абай-ақпарат

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1578
Алашорда

Қожанов межелеу науқанында (Жалғасы)

Бейбіт Қойшыбаев 2278
Ғибырат

Қайсар рухты ғазиз жан

Мұхтар Құл-Мұхаммед 3596