Бүгін Республика сарайында есеп беріп жатқан Алматы қаласының әкімі Бауыржан Байбек шахар халқының саны 1,5 есеге өссе, көліктер саны тоғыз есе өскенін мәлім етті. Әкімнің ойынша, көліктердің көбеюі - байлықтың белгісі емес.

"Кеңес кезінде адам көлік сатып алса, бай дейтін, ал сатып алмаса, жағдайы жоқ деп есептелетін. Бізде осы парадигма әлі де бар. Азаматтар көліктің абырой емес екенін түсінбейді, бұл - қозғалыс құралы. Кейде метромен жүру ыңғайлы, арзан әрі тиімді. Кешкі уақытта көлікпен жүруге болады. Осыны зерттеу көрсетіп отыр, таяуда реформаны халыққа таныстырып, талқылап, өткіземіз. Көліктер кептеліс қана туғызбайды, сонымен қатар, зиянды заттардың 80 пайызын шығарады", - деді Бауыржан Байбек халыққа есеп беру жиынында. 

Абай-ақпарат