Сенбі, 20 Шілде 2024
Жаңалықтар 3540 0 пікір 20 Қаңтар, 2017 сағат 12:28

Ақтау соты мұнайшылардың аштық акциясына тыйым салды

 

Ақтау қалалық соты Oil Construction Company (OCC) мұнай сервистік компаниясының аштық жариялаған жұмысшыларына қатысты талаптарының көбін қанағаттандырды. Мұнайшылар тәуелсіз кәсіподақты сақтап қалу үшін аштық акциясын жариялаған еді.

Ақтау қалалық № 2 соты мұнайшылардың аштық акциясын заңсыз деп таныды. Сот наразылық акциясына қатысушылардан компанияның Ақтаудағы ғимаратын тез арада босатуын талап етті. Сотқа журналистерді жіберген жоқ. Соттағы сегіз жауапкердің арасында компания кәсіподағының төрағасы Әмин Елеусінов бар.

Аштық акциясын заңсыз деп тану және компания ғимаратын наразы мұнайшылардан босату туралы арызын ОСС басшылығы сотқа жақын күндері өткізген. Компания акцияның рұқсаты жоқ деп есептейді. ОСС басшылығының мәліметі бойынша, апта басынан бері Ақтаудағы ғимаратта ашығып жатқандар саны 290 адамнан асқан.

Бұған қоса сот жауапкерден 10 АЕК (2 мың 269 теңге) көлемінде мемлекеттік баж салығын өндіруді міндеттеді.

Мұнайшылардың тәуелсіз кәсіподақ конфедерациясын тіркеу талабына қатысты наразылық акциясы 5 қаңтардан бері жалғасып келеді. Осы аптада аштыққа қосылған мұнайшылар көбейді. Сот шешіміне бір ай көлемінде шағымдануға болады.

Абай-ақпарат

0 пікір

Үздік материалдар

Абай мұрасы

Абай іліміндегі өмір мақсаты не?

Досым Омаров 1306
Ой түрткі

Әлмерек абыздың оралуы - Елге діннің оралуы

Бақтыбай Айнабеков 2047
Көршінің көлеңкесі

Ресей тілдік һәм саяси экспансияны қалай жүргізді?

Бейсенғазы Ұлықбек 2090