جۇما, 19 شىلدە 2024
جاڭالىقتار 3538 0 پىكىر 20 قاڭتار, 2017 ساعات 12:28

اقتاۋ سوتى مۇنايشىلاردىڭ اشتىق اكتسياسىنا تىيىم سالدى

 

اقتاۋ قالالىق سوتى Oil Construction Company (OCC) مۇناي سەرۆيستىك كومپانياسىنىڭ اشتىق جاريالاعان جۇمىسشىلارىنا قاتىستى تالاپتارىنىڭ كوبىن قاناعاتتاندىردى. مۇنايشىلار تاۋەلسىز كاسىپوداقتى ساقتاپ قالۋ ءۇشىن اشتىق اكتسياسىن جاريالاعان ەدى.

اقتاۋ قالالىق № 2 سوتى مۇنايشىلاردىڭ اشتىق اكتسياسىن زاڭسىز دەپ تانىدى. سوت نارازىلىق اكتسياسىنا قاتىسۋشىلاردان كومپانيانىڭ اقتاۋداعى عيماراتىن تەز ارادا بوساتۋىن تالاپ ەتتى. سوتقا جۋرناليستەردى جىبەرگەن جوق. سوتتاعى سەگىز جاۋاپكەردىڭ اراسىندا كومپانيا كاسىپوداعىنىڭ توراعاسى ءامين ەلەۋسىنوۆ بار.

اشتىق اكتسياسىن زاڭسىز دەپ تانۋ جانە كومپانيا عيماراتىن نارازى مۇنايشىلاردان بوساتۋ تۋرالى ارىزىن وسس باسشىلىعى سوتقا جاقىن كۇندەرى وتكىزگەن. كومپانيا اكتسيانىڭ رۇقساتى جوق دەپ ەسەپتەيدى. وسس باسشىلىعىنىڭ مالىمەتى بويىنشا، اپتا باسىنان بەرى اقتاۋداعى عيماراتتا اشىعىپ جاتقاندار سانى 290 ادامنان اسقان.

بۇعان قوسا سوت جاۋاپكەردەن 10 اەك (2 مىڭ 269 تەڭگە) كولەمىندە مەملەكەتتىك باج سالىعىن ءوندىرۋدى مىندەتتەدى.

مۇنايشىلاردىڭ تاۋەلسىز كاسىپوداق كونفەدەراتسياسىن تىركەۋ تالابىنا قاتىستى نارازىلىق اكتسياسى 5 قاڭتاردان بەرى جالعاسىپ كەلەدى. وسى اپتادا اشتىققا قوسىلعان مۇنايشىلار كوبەيدى. سوت شەشىمىنە ءبىر اي كولەمىندە شاعىمدانۋعا بولادى.

اباي-اقپارات

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1292
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2027
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2075