Ресми мәліметке қарағанда, 21-31 тамыз аралығында Бішкекте, одан соң Ташкентте Өзбекстан және Қырғызстанның жұмыс топтары шекара мәселелерін талқылады. Олар шекара туралы келісім ғана емес, мемлекетаралық құжатқа тиісті қосымшалар әзірледі.

28 тамызда қырғыз президенті Алмазбек Атамбаев Өзбекстанмен арада шекараның 84 пайызы келісілгенін хабарлады. Мемлекет басшысының мәлімдеуінше, 26 жыл бойы мемлекеттік шекара дау туғызып келді, енді ол проблемалар шешіліп жатыр.

Қырғыз-өзбек шекарасы 1378 шақырымға созылып жатыр, соның 320 шақырымының немесе 58 учаскенің мәртебесі анықталмаған.

Abai.kz