.png)
Өзбекстан ЕҚЫҰ-мен тығыз байланыс орнатқысы келеді
Өзбекстан президенті Шавкат Мирзияев 9 қарашада еліне ресми сапармен келген Еуропадағы қауіпсіздік және ынтымақтастық ұйымының (ЕҚЫҰ) бас хатшысы Томас Гремингерді қабылдады.
Шавкат Мирзияев дипломатты жауапкершілігі жоғары лауазымды қызметке тағайындалуымен құттықтап, Өзбекстанның ЕҚЫҰ-мен барлық мәселелер бойынша, тығыз байланыс орнатуға қызығушылық білдіріп отырғанын жеткізді.
ЕҚЫҰ бас хатшысы Самарқанда өтетін халықаралық конференцияға қатысады.
Томас Гремингер Өзбекстанның көрші елдермен және Ауғанстанмен қарым-қатынасты дамыту жолындағы конструктивті қадамдарын жоғары бағалады.
Гремингер ЕҚЫҰ-ның Өзбекстанға реформалар жүргізуде көмек көрсетуге әзір екенін жеткізген.
Abai.kz
