وزبەكستان ەقىۇ-مەن تىعىز بايلانىس ورناتقىسى كەلەدى
وزبەكستان پرەزيدەنتى شاۆكات ميرزياەۆ 9 قاراشادا ەلىنە رەسمي ساپارمەن كەلگەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) باس حاتشىسى توماس گرەمينگەردى قابىلدادى.
شاۆكات ميرزياەۆ ديپلوماتتى جاۋاپكەرشىلىگى جوعارى لاۋازىمدى قىزمەتكە تاعايىندالۋىمەن قۇتتىقتاپ، وزبەكستاننىڭ ەقىۇ-مەن بارلىق ماسەلەلەر بويىنشا، تىعىز بايلانىس ورناتۋعا قىزىعۋشىلىق ءبىلدىرىپ وتىرعانىن جەتكىزدى.
ەقىۇ باس حاتشىسى سامارقاندا وتەتىن حالىقارالىق كونفەرەنتسياعا قاتىسادى.
توماس گرەمينگەر وزبەكستاننىڭ كورشى ەلدەرمەن جانە اۋعانستانمەن قارىم-قاتىناستى دامىتۋ جولىنداعى كونسترۋكتيۆتى قادامدارىن جوعارى باعالادى.
گرەمينگەر ەقىۇ-نىڭ وزبەكستانعا رەفورمالار جۇرگىزۋدە كومەك كورسەتۋگە ءازىر ەكەنىن جەتكىزگەن.
Abai.kz
