.png)
Қырғызстанның солтүстігінде көмір өндірушілерге қарсы митинг өтіп жатыр
Нарын облысы Мин-Күш ауылында көмір өндірушілерге қатысты наразылық акциясы өтіп жатыр. Азаттықтың аймақтағы тілшісінің айтуынша, жергілікті тұрғындар кенге баратын жолды жауып тастаған. Олардың сөздерінше, көмір өндірушілер экологияны бұзып жатыр.
6 желтоқсанда акцияға қатысушылар жергілікті билік өкілдерімен кездесті. Кездесу қорытындысы бойынша арнайы комиссия құруға келіскен. Сонымен бірге қаншалықты экологияға зардабы тиіп жатқаны жөнінде сараптама жүргізіледі.
Мин-Күш кенішінде бірнеше шетелдік компания жұмыс істейді. Соның ішінде қытайлық компания да бар.
Abai.kz
