قىرعىزستاننىڭ سولتۇستىگىندە كومىر وندىرۋشىلەرگە قارسى ميتينگ ءوتىپ جاتىر
نارىن وبلىسى مين-كۇش اۋىلىندا كومىر وندىرۋشىلەرگە قاتىستى نارازىلىق اكتسياسى ءوتىپ جاتىر. ازاتتىقتىڭ ايماقتاعى ءتىلشىسىنىڭ ايتۋىنشا، جەرگىلىكتى تۇرعىندار كەنگە باراتىن جولدى جاۋىپ تاستاعان. ولاردىڭ سوزدەرىنشە، كومىر وندىرۋشىلەر ەكولوگيانى بۇزىپ جاتىر.
6 جەلتوقساندا اكتسياعا قاتىسۋشىلار جەرگىلىكتى بيلىك وكىلدەرىمەن كەزدەستى. كەزدەسۋ قورىتىندىسى بويىنشا ارنايى كوميسسيا قۇرۋعا كەلىسكەن. سونىمەن بىرگە قانشالىقتى ەكولوگياعا زاردابى ءتيىپ جاتقانى جونىندە ساراپتاما جۇرگىزىلەدى.
مين-كۇش كەنىشىندە بىرنەشە شەتەلدىك كومپانيا جۇمىس ىستەيدى. سونىڭ ىشىندە قىتايلىق كومپانيا دا بار.
Abai.kz
