«Abai.kz» ақпараттық порталы тұрақты түрде жүргізіп келе жатқан интернет-конференцияның кезекті қонағы – белгілі қоғам қайраткері, саясаткер, Қазақстан Ғалымдар одағының Президенті, ҚР Мемлекеттік сыйлығының лауреаты, МАГИ, РАЕН, ҚР ҰИА академигі, э.ғ.д., профессор Оразалы СӘБДЕН.

Құрметті, «Abai.kz» ақпараттық порталының оқырмандары! Академик Оразалы Сәбденге көкейдегі барлық сұрақтарды қойсаңыздар болады. Дегенмен, біз негізгі деген бірнеше тақырыптарды белгіледік. Соның ішінде, Құлдыраған  білім мен ғылымға қалай серпіліс береміз? Қазіргі уақта еліміздің шалғай аудандары мен ауылдары күйзелісте. Ауылды қалай көтереміз? Егемендік алғалы бері жоғалтқан рухани құндылығымызды қалай жаңғыртамыз? Жер мен тіл мәселелері неге түбегейлі шешілмейді? Кіші кәсіп елге нәсіп пе? Әлем қайда бағыт алды? Қазақстанның жолы қалай болмақ? Мемлекетті қалай дұрыс басқарамыз?

Осы және өзге де өзекті сауалдарға интернет-конференциямыздың қонағы Оразалы Сәбден мырза жауап беретін болады.  Сауалдарыңызды жолдай беріңіздер, мархабат.

Abai.kz