Оғыз Доғанға қатысты пікір білдірушілерді үш топқа бөліп қарастыруға болады. Бірінші, Оғызды қолдаушылар; екінші, өзге ой иелері; үшінші, қарсылар. Қарсыларға "бердіоңғаровшыларды" жатқызуға болады.

Өз басым алдыңғы екі топтағыларға да ризашылығымды білдіремін. Бұл екі топ та бір-бірінен бөліп алуға болмайтын ұлт патриоттары. Осы уақытқа дейін әлеуметтік желі бетінде ұлттық мәселе төңірегінде мұншалықты дүмпу болған емес. Әлеуметтік желі xалықтың күш екенін билікке тұңғыш рет сезіндірді.

Билік тілге, өзге де ұлттық мәселелерге қатысты жүргізіп келе жатқан солақай саясатын жедел түрде өзгетпесе, олар Оғыздың келесі шабуылына төтеп бере алмайды.

Билік құлағына алтын сырға: Оғыз Доғанға қысым жасау, оның банкіге қайта барғанынан да қауіпті нәтиже беруі мүмкін. Сондықтан Тіл комитеті өркениетті елдерге тән мінез танытып, Оғыз Доған кеудесіне "Тіл жанашыры" деген сияқты төсбелгі тағып жіберсе, нұр үстіне нұр болар еді.

Жеңісті күнде жолыққанша, бауырлар!

Құдияр Біләлдің Facebook-тегі парақшасынан

Abai.kz