وعىز دوعانعا قاتىستى پىكىر بىلدىرۋشىلەردى ءۇش توپقا ءبولىپ قاراستىرۋعا بولادى. ءبىرىنشى، وعىزدى قولداۋشىلار; ەكىنشى، وزگە وي يەلەرى; ءۇشىنشى، قارسىلار. قارسىلارعا "بەردىوڭعاروۆشىلاردى" جاتقىزۋعا بولادى.

ءوز باسىم الدىڭعى ەكى توپتاعىلارعا دا ريزاشىلىعىمدى بىلدىرەمىن. بۇل ەكى توپ تا ءبىر-بىرىنەن ءبولىپ الۋعا بولمايتىن ۇلت پاتريوتتارى. وسى ۋاقىتقا دەيىن الەۋمەتتىك جەلى بەتىندە ۇلتتىق ماسەلە توڭىرەگىندە مۇنشالىقتى ءدۇمپۋ بولعان ەمەس. الەۋمەتتىك جەلى xالىقتىڭ كۇش ەكەنىن بيلىككە تۇڭعىش رەت سەزىندىردى.

بيلىك تىلگە، وزگە دە ۇلتتىق ماسەلەلەرگە قاتىستى جۇرگىزىپ كەلە جاتقان سولاقاي ساياساتىن جەدەل تۇردە وزگەتپەسە، ولار وعىزدىڭ كەلەسى شابۋىلىنا توتەپ بەرە المايدى.

بيلىك قۇلاعىنا التىن سىرعا: وعىز دوعانعا قىسىم جاساۋ، ونىڭ بانكىگە قايتا بارعانىنان دا قاۋىپتى ناتيجە بەرۋى مۇمكىن. سوندىقتان ءتىل كوميتەتى وركەنيەتتى ەلدەرگە ءتان مىنەز تانىتىپ، وعىز دوعان كەۋدەسىنە ء"تىل جاناشىرى" دەگەن سياقتى توسبەلگى تاعىپ جىبەرسە، نۇر ۇستىنە نۇر بولار ەدى.

جەڭىستى كۇندە جولىققانشا، باۋىرلار!

قۇديار ءبىلالدىڭ Facebook-تەگى پاراقشاسىنان

Abai.kz