Эндрю Гилмор азаматтық қоғам кеңістігін кеңейтуге шақырды, делінген 16 мамырда БҰҰ-ның адам құқықтары жөніндегі кеңсесі таратқан баспасөз хабарламасында.
Гилмор бастаған БҰҰ делегациясы 15-16 мамырда Тәжікстанда болды. Делегация мүшелері тәжік үкіметінің мүшелерімен кездесті. Гилмор қоғамдық және адам құқықтарын қорғау ұйымдарының өкілдерімен, Тәжік ұлттық университетінің студенттерімен жүздесті. Бұл кездесулерге журналистер шақырылған жоқ.
БҰҰ Бас хатшысының көмекшісі адам құқығын қорғаушылар, журналистер, адвокаттар және басқа да тұлғалар өздерінің маңызды жұмыстарын ешқандай кедергісіз, қорқытып-үркітусіз атқару керектігін, олар қажетсіз әкімшілік тексерулер мен қудалаулардан қорықпауы керектігін атап өтті.
Abai.kz
