Путиннің Тәжікстанға сапары ресми емес түскі астан басталады. Дастархан басында әріптестерімен бірнеше кездесу өткізбек. Ресей президентінің көмекшісі Юрий Ушаковтың сөзінше, 28 қыркүйекте Владимир Путин ТМД елдері басшыларының кеңесіне қатысады. Ол сонымен бірге Тәжікстан басшысы Эмомали Рахмонмен және Қырғыз лидері Сооронбай Жээнбековпен екіжақты кездесулер өткізбек.

Ал саммитте қауіпсіздік мәселесі, Достастыққа төрағалық ету мәселесі, келесі кеңестің уақытын белгілеу мәселелері талқыланбақ.

«Саммит барысында 1948 жылдың 10 желтоқсанында қол қойылған Адам құқықтары жөніндегі жалпыға бірдей декларацияның қабылдануына 70 жыл толуы мен Екінші дүниежүзілік соғыстың Совет-Герман майданындағы жеңістің 75 жылдығын ерекше атап өту мәселесі талқыланады», - деп хабарлайды ТМД атқарушы комитеті.

Abai.kz