ءپۋتيننىڭ تاجىكستانعا ساپارى رەسمي ەمەس تۇسكى استان باستالادى. داستارحان باسىندا ارىپتەستەرىمەن بىرنەشە كەزدەسۋ وتكىزبەك. رەسەي پرەزيدەنتىنىڭ كومەكشىسى يۋري ۋشاكوۆتىڭ سوزىنشە، 28 قىركۇيەكتە ۆلاديمير پۋتين تمد ەلدەرى باسشىلارىنىڭ كەڭەسىنە قاتىسادى. ول سونىمەن بىرگە تاجىكستان باسشىسى ەمومالي راحمونمەن جانە قىرعىز ليدەرى سوورونباي جەەنبەكوۆپەن ەكىجاقتى كەزدەسۋلەر وتكىزبەك.
ال سامميتتە قاۋىپسىزدىك ماسەلەسى، دوستاستىققا توراعالىق ەتۋ ماسەلەسى، كەلەسى كەڭەستىڭ ۋاقىتىن بەلگىلەۋ ماسەلەلەرى تالقىلانباق.
«سامميت بارىسىندا 1948 جىلدىڭ 10 جەلتوقسانىندا قول قويىلعان ادام قۇقىقتارى جونىندەگى جالپىعا بىردەي دەكلاراتسيانىڭ قابىلدانۋىنا 70 جىل تولۋى مەن ەكىنشى دۇنيەجۇزىلىك سوعىستىڭ سوۆەت-گەرمان مايدانىنداعى جەڭىستىڭ 75 جىلدىعىن ەرەكشە اتاپ ءوتۋ ماسەلەسى تالقىلانادى»، - دەپ حابارلايدى تمد اتقارۋشى كوميتەتى.
Abai.kz
