Нетаньяху Тегеран Израильге зымыран жіберу мақсатында Сирия аумағын белсенді түрде пайдаланып келеді, мұндай жағдайда аймақта әскери базасы бар Ресей мен Израильдің өзара диалог орнатуы маңызды деп атап өтті.
Ал өз кезегінде Путин халықаралық терроризм қауіп төніп тұрған жағдайда, Израиль мен Ресейдің өзара ықпалдасуы маңызды деді. Ол 2020 жылдың басында Нетаньяхудың Израильге шақыртуын қабыл алғанын жеткізді.
Биыл Путин мен Нетаньяху үш рет кездесті. Осы жолғы кездесу Израильде 17 қыркүйекте болатын парламент сайлауы қарсаңында өтіп жатыр. Израиль ақпарат құралдарының жазуынша, Нетаньяху Путинмен кездесу арқылы өзі басқаратын "Ликуд" партиясының беделін көтеруге тырысып жатыр.
Израиль премьері осы жолғы сайлауда жеңген жағдайда Иордан өзенінің Батыс жағалауында Израиль егемендігін орнатынын мәлімдеген. БҰҰ-ның бас хатшысы кеңсесі "бұл халықаралық заңның бұзылуы болып есептеледі" деп ескерткен. Нетаньяху ұстанымын Ресей де сынаған.
Abai.kz
