نەتانياحۋ تەگەران يزرايلگە زىمىران جىبەرۋ ماقساتىندا سيريا اۋماعىن بەلسەندى تۇردە پايدالانىپ كەلەدى، مۇنداي جاعدايدا ايماقتا اسكەري بازاسى بار رەسەي مەن ءيزرايلدىڭ ءوزارا ديالوگ ورناتۋى ماڭىزدى دەپ اتاپ ءوتتى.
ال ءوز كەزەگىندە پۋتين حالىقارالىق تەرروريزم قاۋىپ ءتونىپ تۇرعان جاعدايدا، يزرايل مەن رەسەيدىڭ ءوزارا ىقپالداسۋى ماڭىزدى دەدى. ول 2020 جىلدىڭ باسىندا نەتانياحۋدىڭ يزرايلگە شاقىرتۋىن قابىل العانىن جەتكىزدى.
بيىل پۋتين مەن نەتانياحۋ ءۇش رەت كەزدەستى. وسى جولعى كەزدەسۋ يزرايلدە 17 قىركۇيەكتە بولاتىن پارلامەنت سايلاۋى قارساڭىندا ءوتىپ جاتىر. يزرايل اقپارات قۇرالدارىنىڭ جازۋىنشا، نەتانياحۋ پۋتينمەن كەزدەسۋ ارقىلى ءوزى باسقاراتىن "ليكۋد" پارتياسىنىڭ بەدەلىن كوتەرۋگە تىرىسىپ جاتىر.
يزرايل پرەمەرى وسى جولعى سايلاۋدا جەڭگەن جاعدايدا يوردان وزەنىنىڭ باتىس جاعالاۋىندا يزرايل ەگەمەندىگىن ورناتىنىن مالىمدەگەن. بۇۇ-نىڭ باس حاتشىسى كەڭسەسى "بۇل حالىقارالىق زاڭنىڭ بۇزىلۋى بولىپ ەسەپتەلەدى" دەپ ەسكەرتكەن. نەتانياحۋ ۇستانىمىن رەسەي دە سىناعان.
Abai.kz
