Särsenbi, 16 Qazan 2019
1294 5 pikir 13 Qırküyek, 2019 sağat 12:49

Putin men Netan'yahu Tayau Şığısta özara ärekettesudi talqıladı

Izrail' Siriya aumağında Iran tarapınan tönip twrğan äskeri qauipke bas şwlği almaydı dep mälimdedi Izrail' prem'er-ministri Bin'yamin Netan'yahu Soçide Resey prezidenti Vladimir Putinmen kezdesu kezinde.

Netan'yahu Tegeran Izrail'ge zımıran jiberu maqsatında Siriya aumağın belsendi türde paydalanıp keledi, mwnday jağdayda aymaqta äskeri bazası bar Resey men Izrail'diñ özara dialog ornatuı mañızdı dep atap ötti.

Al öz kezeginde Putin halıqaralıq terrorizm qauip tönip twrğan jağdayda, Izrail' men Reseydiñ özara ıqpaldasuı mañızdı dedi. Ol 2020 jıldıñ basında Netan'yahudıñ Izrail'ge şaqırtuın qabıl alğanın jetkizdi.

Biıl Putin men Netan'yahu üş ret kezdesti. Osı jolğı kezdesu Izrail'de 17 qırküyekte bolatın parlament saylauı qarsañında ötip jatır. Izrail' aqparat qwraldarınıñ jazuınşa, Netan'yahu Putinmen kezdesu arqılı özi basqaratın "Likud" partiyasınıñ bedelin köteruge tırısıp jatır.

Izrail' prem'eri osı jolğı saylauda jeñgen jağdayda Iordan özeniniñ Batıs jağalauında Izrail' egemendigin ornatının mälimdegen. BWW-nıñ bas hatşısı keñsesi "bwl halıqaralıq zañnıñ bwzıluı bolıp esepteledi" dep eskertken. Netan'yahu wstanımın Resey de sınağan.

Abai.kz

5 pikir