Кеңес отырысында 62 жастағы президенті Гурбангұлы Бердымұхамедовке "Халықтың құрметті ақсақалы" атағы берілді деп хабарлады "Туркменистан сегодня" агенттігі. Ұлттық киім киген президентке төсбелгі, грамота және гүл табыс етілді.
Агенттік мұндай атақты табыстауға азаматтардың көптеген өтініші мен ұсынысы себеп болды деп түсіндірген.
Халық кеңесінің отырысында Бердымұхамедов Халк Маслахатын реформалап, оны Меджлистің (парламент) бір палатасына айналдыруды ұсынды. Реформадан соң Түркіменстанда екі палаталы парламенттік жүйе орнайды, ал Кеңес парламенттің жоғары палатасына айналады.
Түркіменстан парламенті бір палатадан тұрады. 125 депутат бес жылға сайланады.
Abai.kz
