كەڭەس وتىرىسىندا 62 جاستاعى پرەزيدەنتى گۋربانگۇلى بەردىمۇحامەدوۆكە "حالىقتىڭ قۇرمەتتى اقساقالى" اتاعى بەرىلدى دەپ حابارلادى "تۋركمەنيستان سەگودنيا" اگەنتتىگى. ۇلتتىق كيىم كيگەن پرەزيدەنتكە توسبەلگى، گراموتا جانە گۇل تابىس ەتىلدى.
اگەنتتىك مۇنداي اتاقتى تابىستاۋعا ازاماتتاردىڭ كوپتەگەن ءوتىنىشى مەن ۇسىنىسى سەبەپ بولدى دەپ تۇسىندىرگەن.
حالىق كەڭەسىنىڭ وتىرىسىندا بەردىمۇحامەدوۆ حالك ماسلاحاتىن رەفورمالاپ، ونى مەدجليستىڭ (پارلامەنت) ءبىر پالاتاسىنا اينالدىرۋدى ۇسىندى. رەفورمادان سوڭ تۇركىمەنستاندا ەكى پالاتالى پارلامەنتتىك جۇيە ورنايدى، ال كەڭەس پارلامەنتتىڭ جوعارى پالاتاسىنا اينالادى.
تۇركىمەنستان پارلامەنتى ءبىر پالاتادان تۇرادى. 125 دەپۋتات بەس جىلعا سايلانادى.
Abai.kz
