Қазақстан президенттігіне үміткер болып, сайлауға түскен, сайлау қорытындысы бойынша қазіргі президент Қасым-Жомарт Тоқаевтан кейінгі екінші сатыға жайғасқан саясаткер Әміржан Қосанов әлгінде Еуразия арнасына сұхбат беріпті. 

Сайлаудан кейінгі ел-халықтың өкпесі жайлы сөз етіп, сол кезде өзін қолдаған азаматтарға алғысын білдірген саясаткер өзінің басты қателігі - сол күні түнде-ақ, Қасым-Жомарт Тоқаевты, яғни президентті құттықтағаны болғанын айтыпты.

«Менің қателігім – түнде мойындауым деп ойлаймын. Мұнда үлкен таңдау болды: Саяси хайп жинап, өзін соншалықты табанды оппозиционер, революционер етіп көрсету. Бірақ оның арты қиын жағдайға алып келуі мүмкін еді. Сол себепті маған мемлекеттің тәуелсіздігі, халқымыздың тыныштығы қымбат болды. Қаралайтынын, күйелейтінін білсем де, осындай қадамға бардым», – депті Әміржан Қосанов.

Abai.kz