Särsenbi, 19 Aqpan 2020
721 0 pikir 24 Qañtar, 2020 sağat 14:22

«Balalar qauipsizdigi – bastı nazarda!» 

Oblısımızdağı bilim beru, BQO PD Jergilikti policiya qızmetiniñ qızmetkerleriniñ bastamasımen oqu orındarındağı oquşılardıñ qauipsizdigin qamatamasız etu, sonday-aq olardıñ bos uaqıttarında qwqıq bwzuşılıqtarğa jol bermeu maqsatında barlıq oqu orındarınıñ, onıñ işinde, barlıq mektep, kolledjderdiñ vahterları men küzetşileri üşin arnayı seminar-trening ötkizildi. 

Seminardıñ taqırıbı «Balalar qauipsizdigi – bastı nazarda!» dep ataladı. Qaladağı agrarlıq-tehnikalıq kolledjdiñ ğimaratında ötken seminarğa qwqıq qorğau organdarınıñ, bilim beru basqarmasınıñ  ökilderi, psihologtar jäne 100-ge juıq vahterlar men küzetşiler qatıstı. 

Seminar barısında  oqu orındarınıñ aumağında belgisiz twlğalardıñ küdik tudıratın  äldebir zattardı qaldıru kezinde is-äreket jasau algoritmimen tanıstırıp, qanday şara qoldanu kerektigin jetkizdi. 

 Sonımen qatar BQO-da tauarlar men körsetiletin qızmetterdiñ sapası men qauipsizdigin baqılau departamentiniñ bas mamanı Qarlığa Alpamısqızı «SNYUS» sekildi temeki bwyımdarımen tanıstırıp, onıñ qoldanudağı ziyandılığın da aytıp ötti. 

«Snyus - jastar men jasöspirimder arasındağı jaña "sändi" sigaretalardıñ analogı. Alayda "analogı" degenmen ol "ziyansız" degendi bildirmeydi. Snyus öte qauipti, ol ädettegi temekiden 7-10 ese ulı jäne öte tez nikotin täueldiligin tudıradı. Snyuske psihikalıq jäne fizikalıq täueldilik ädettegi temeki täueldiliginen äldeqayda küşti. Tütinsiz temekini paydalanu kezinde nikotin men basqa da zattar silekeyge bölinip, birden auız quısınıñ şırıştı qabığı arqılı qanğa tüsedi. Snyustegi nikotin mölşeri temekiniñ qwramına qarağanda birneşe ese köp jäne bwl bala organizmi üşin qauipti dozası. Snyusti paydalanudan bas tartu-şılım şeguden bas tartuğa qarağanda äldeqayda qiınıraq»,-  dedi Qarlığa Alpamsqızı bayandamasında.   

Jiın kezinde policiya qızmetkerleri dini ektremizm men terrorizm boyınşa tüsindiru jwmıstarın  jürgizdi.  

Bügingi küni ektremizm öziniñ aluan türliligimen köp taralğan qwbılısqa aynaldı jäne ülken qauip-qater tudıruda. 

Dini sauattılıqtıñ joqtığı ekstremisterge özderiniñ qatarına azamattardı köptep tartuına, olardıñ radikaldı közqarastardı wstanuılarına, tuıstarı men Otanına qarsı şığuların nasihattauğa mümkindik beredi. Bwl jerde olardıñ ıqpalına jas azamattardıñ köptep tüsui qiın mäsele bolıp twr. Radikaldı toptardıñ ekstremistik qızmeti bilikti zorlıq-zombılıqpen basıp aluğa, memlekettiñ aumaqtıq twtastığın jäne zayırlılığın bwzuğa, osı maqsatta dini jaulastıru men  jekkörudi tudıruğa bağıttalğan. 

Ökinişke oray, bwnday faktiler bizde de bar.

Sondıqtan, kelgen teolog mamandar men qala meşitinen kelgen imam oylanbastan osınday äreketterge baratın jastarğa dwrıs jol körsetip, dini sauatsızdıqqa jol bermeuge at salısuğa şaqırdı. 

Sonday-aq, qatısuşılarğa qoğamda orın alıp jatırğan pedofiliya qılmısı turalı da jetkizildi. YAğni, mektep oquşıları men tömengi kurs studentteriniñ qauipsizdigin qamtamasız etip, olardıñ sabaqqa kelip-ketu kezinde kimmen kelip, kimmen ketetinine asa män berulerin swradı. 

Tipti seminar barısında qatısuşılardıñ qırağılığı men zeyinin tekseru, sonday-aq, sergitu maqsatında  BQO PD inspektor-psihologı «Profayling» ädisi boyınşa jattığu jwmıstarın jürgizdi. 

BQO PD baspasöz qızmeti 

Abai.kz

0 pikir