Ukraina әskeri es jidyrmay shabuyl jasauda. Bir aptanyng ishinde Ukraina Harikov oblysynda joyqyn shabuyldar jasap, basqynshy qolyndaghy aimaqtyng basym bóligin azat ete bildi. Harikov oblysy Reseymen shekaralas aimaq bolghandyqtan, búl baghytta shabuyl jasau arqyly tikeley Resey shekarasyna shyghugha bolady. 

Ukraina әskeri 6 qyrkýiekte Harikov oblysynda jappay shabuylgha shyqty. Balakleya qalasy manyndaghy eldi-mekenderdi azat etip, Balakleya qalasyndaghy Resey әskerine artilleriyalyq soqqy jasap, qysymdy arttyrdy. Resey әskeri qaladan sheginip Kupyansk qalasyna bekindi. Búl qala basqynshylar ýshin asa manyzdy edi. Sebebi qalany Resey әskeri uaqytsha Harikov oblysynyng ortalyghy dep jariyalaghan bolatyn. Sonymen qatar dәl osy qala arqyly Harikovtegi basqynshy әskerine qaru-jaraq, oq-dәri jetkizilip túrdy. Toghyz joldyng toraby. Biraq kóp úzamay Ukraina әskeri Kupyansk qalasyn da aldy. Búl qalany alghan sәtte, qorshauda qalu qaupi artqanyn sezgen Resey әskeri Izum qalasyn tastap, sheginip ketti. Izum qalasy ýshin Resey әskeri eki aiday soghysqan bolatyn.

Resey әskerining sheginisi jýiesiz bolghandyqtan, Ukraina Harikov oblysyndaghy ózge eldi mekenderdi azat etudi bastady. Donesk jәne Lugansk aimaghyna da qarsy shabuyl jasau manevrlaryn kýsheytip, Liman jәne Lisichansk qalalaryn qorshaugha alu әreketterin jasauda. Búl Resey әskerining arasynda ýrey tudyryp, biylikke degen narazylyqtaryn arttyruda.

Ukrainada Resey әskeri sheginip jatqan sәtte, Mәskeude halyq pen biylik Mәskeu kýnin toylap jatty. Búl әleumettik jelidegi narazylyqty órshite týsti. Mәskeu kýnine arnalghan otshashudy Resey halqy "Ukrainanyng sәtti shabuylyn toylap jatyrsyndar ma" dep jazdy. Resey Qorghanys ministri Ukrainadaghy sәtsizdikti aqtau maqsatynda kelesidey mәlimdeme jasady: "Resey әskeri Donesk baghytyndaghy әskery qimyldy arttyru maqsatynda Izum men Balakleya baghytyndaghy әskerdi toptastyryp jatyr. Ýsh kýn boyy sol maqsatty әskerdi jýieli jyljytu әreketteri iske asty". Búl mәlimdemege osy joly Reseyding propagandisterining ózderi de senbedi. "Dәl osynday týsinikteme bergenshe, ýnsiz qalghandary dúrys edi" dedi olar.

Batystyq barlau qyzmetkerleri Harikov oblysynda Ukraina әskeri óte sәtti nәtiyjege jetip, Resey әskeri sәuir aiynan beri jaulap alghan jerden kóbirek jerdi qaytarghanyn aitty. Ukraina әskeri Harikov oblysynda Volchansk qalasyn da qaytardy jәne Reseymen shekaralas aimaqtargha jetti. Kiyev bir aptanyng ishinde basqynshy qolynda bolghan Harikov oblysyn tolyq qaytardy desek te bolady. Qazir oblystyng on payyzgha juyq aimaghy basqynshy qolynda qaluda, qarsy shabuylgha deyin búl kórsetkish 34 payyz bolghan edi.

Ukraina Herson baghytynda da shabuyldy ýdetti. Herson aimaghynda Resey әskeri birneshe eldi-mekendi tastap, keri shegindi. Búl Ukraina әskerining ýzdiksiz tasymaldau joldaryn, kópirler men ótkelderdi, әskery shtabtar men qoymalardy soqqy astyna aludyng nәtiyjesinde iske asty. Resey Ukraina әskeri kelesi soqqyny Donesk baghytynda nemese Zaporojie oblysynda  jasauy mýmkin dep boljauda.

Mәskeu Ukrainagha qarymta soqqy jasady. Búl joly beybit túrghyndar keshenimen birge elektr stansiyalaryn atqylady. Tútas shyghys Ukraina jaryqsyz qaldy. Onyng ishinde separatister qolyndaghy Donesk oblysy da bar. Kóp úzamay jaryq qalpyna keltirildi, al shabuyldy órkeniyetti Batys elderi lankestik dep atady.

Ukrainanyng nәtiyjeli shabuyly Kiyevke degen Batystyng senimin arttyra týsti. Batys mediasynda Ukraina soghysy qayta birinshi oryngha shyghyp, jazyla bastady. Kiyevke kóbirek qaru beru mәselesi de talqylanyp jatyr. Al Resey әskerine degen senim kapitaly Reseyding óz ishinde soqqy aldy.

Ashat Qasenghaliy

Abai.kz