Qazaq sauda saqal syipaghansha degendi tegin aitpaghan. Biraq naryqtyq ekonomika kimmen sauda jasau kerektigin, qalay jasau kerektigin basty oryngha qoyady, dep jazady Mezgil.kz portaly. 

Qazaqtar temeki óndiru jәne araq shygharudan Reseydi artqa tastap, bәsekege qabiletti ónimmen osy elding búl saladaghy ónimining ayaq-qolyn baylap tastaghan sәtte, Nazarbaev biyligi últtyq biznesting mýddesin satyp ketip, kәsipkerlerimizdi tolaghay tabystan aiyrghan bolatyn.

Osylaysha EAEO ayasynda qazaq biznesi Reseyding kólenkesinde qala berdi. Biraq, biylik qashanda «Reseyding cauda sayasaty túrghysynan el seriktesimiz» ekenin ýnemi maqtanyshpen esimizge salyp otyrady.

Osy joly da saldy.  Ministrler kabiyneti seysenbi kýngi habarlamasynda Reseydi  qazaqstandyq óndirushilerding bas importtaushysy bolyp qala beretini aityp: «Qazaqstandyq óndirushiler dayyn ónimining ainalymy 2023 jyldyng birinshi jartyjyldyghynda 3 39,4 mlrd boldy, búl ótken jyldyng sәikes kezenimen salystyrghanda 22%-gha joghary. Olardyng ýshten biri Qazaqstannan shiykizattyq emes tauarlardy eksportqa tasymaldaudan túrady. 12,1 mlrd dollar somasyna eksporttyq jetkizilimderding eng kóp kólemi Reseyge, Qytaygha, Ózbekstangha, Týrkiyagha, alys shet elderden — Niyderlandygha, Úlybritaniyagha, Japoniyagha jóneltiledi», - dep mәlimdedi.

Endi habarlamanyng myna bir jerin tarqata aitar bolsaq: «Otandyq tauar óndirushilerding syrtqy naryqqa shyghuyn qamtamasyz etu ýshin Qazaqstan sauda jәne integrasiya ministrligi eksporttaushylargha memlekettik qoldau sharalaryn kórsetip otyr. Búl - sauda missiyalaryn úiymdastyru, halyqaralyq kórmeler men biznes-forumdargha jóneltu, oqytu jobalary men baghdarlamalaryna qatystyru syndy baghdarlar. Osylaysha, akselerasiya baghdarlamasy qazaqstandyq kompaniyalargha jana naryqty iygeruge kómektesedi. Biyl baghdarlamagha qatysu ýshin tamaq, himiya, toqyma jәne qyzmet kórsetu salalaryn eksporttaytyn 111 kәsiporyn tandaldy. Eksporttaushy kompaniyalargha qoldau kórsetu ýshin sauda-ekonomikalyq jobalar úiymdastyrady», - dep naqtylady.

Reseydi syrtqy saudada basqa elmen almastyru prosesi jýrip jatyr, biraq, ol biz oilaghanday emes, óte bayau.

Abai.kz