"Semey ormany" rezervatyndaghy alapat órtting sebepterin tergeu jónindegi arnayy komissiya óz qorytyndysyn úsyndy, dep habarlaydy Ulysmedia.kz.

Ekologiya jәne tabighy resurstar ministri Erlan Nysanbaev brifing barysynda arnayy komissiya Abay oblysyndaghy orman órtining sebebin anyqtaghanyn mәlimdedi. Onyng aituynsha, komissiya qúramyna memlekettik organdar kirgen.

"Arnayy komissiyanyng qorytyndysy bar, onda órtting tútanuyna qúrghaq nayzaghay sebep bolghany anyq kórsetilgen. Búghan dәlel bar – órtti tarauyna sebep bolghan jeke aghash. Búl resmy núsqa jәne biz ony ústanamyz", - dedi ministr.

Nysanbaev Qazaqstanda ormandy qasaqana órteu faktileri bolghanyn moyyndady. Alayda Abay oblysynda bolghan oqigha tabighy qúbylystardyng saldary ekenin aitty.

"Negizinen dala órtteri qasaqana qoyylady dep aitu dúrys emes. Statistika kórsetkendey, orman órtterining 70%-y – auylsharuashylyq órtterining nәtiyjesi. Mening tәjiriybemde Semey oblysynda júmys istegen shaghymda tәuligine 25 qúrghaq nayzaghay bolatyn edi", - dedi ministr.

Eske salayyq, “Semey ormany” rezervaty aumaghynda 8 mausymda órt tútanghan bolatyn. 9 mausym kýni keshke qaray onyng aumaghy 60 myng gektargha deyin jetti. Osyghan baylanysty Semey qalasynda tótenshe jaghday jariyalandy.

Abay ónirindegi el tarihyndaghy eng iri órtke baylanysty Tótenshe jaghdaylar ministrligining basshysy Yuriy Iliin qyzmetinen bosatylyp, jana ministr taghayyndaldy. Abay oblysynyng әkimi óz mindetin dúrys atqarmaghany ýshin sógis aldy.

Órtpen arpalysyp jýrip 14 adam qaza tapty. Qaraly oqighagha baylanysty 12 mausym elimizde Aza tútu kýni bolyp jariyalandy.

Búdan búryn Bas prokuratura orman órtining shyghuy sebebi boyynsha ýsh núsqa tekserilip jatqanyn aytty.

Sonday-aq, QR Bas prokurorynyng orynbasary Jandos Ómirәliyev Abay oblysyndaghy orman órti boyynsha óz qyzmetine salghyrt qaraghan sheneunikter qylmystyq jauapkershilikke tartylatynyn mәlimdegen.

Abai.kz