Kaspiy qúbyr konsorsiumy (KQK) Qara tenizdegi qolaysyz meteojaghdaygha baylanysty múnay tieudi toqtatty. Búl turaly KQK mәlimdedi.

«2023 jyldyng qarashasynda Novorossiysk teniz portynda kýn rayyna baylanysty eskertu birneshe ret jariyalandy, KQK ony qatang saqtady.

Eske sala ketsek, KQK Teniz terminalynda múnaydy tieu ónerkәsip jәne ekologiyalyq qauipsizdik talaptaryn qatang saqtay otyryp, jaghalau syzyghynan 5 shaqyrym qashyqtyqta ornalasqan sozylyp jetkiziletin ailaq qondyrghylary (SAQ) arqyly jýzege asyrylady.

SAQ konstruksiyasy qolaysyz kýn rayy jaghdayynda, múnay qúydyng dәstýrli qúrlyq jýieleri operasiyalardy toqtatugha mәjbýr bolghan kezde múnay tieuge mýmkindik beredi», - delingen mәlimette.

Qazirgi kezde Novorossiysk audanynda óte qolaysyz meteojaghday qalyptasty: jel ekpini 22-24 m/s (79,2-86,4 km/sagh), tolqyn biyiktigi – 6-8 metr.

Novorossiysk teniz portynyng kapitany dauyldy eskertu jariyalady, oghan sәikes KQK teniz terminalynda múnay tieu toqtatylyp, tankerler kýtu oryndaryna jiberildi.

Kompaniyanyng rezervuar parkteri is jýzinde tolyq. Osyghan baylanysty jóneltushilerden múnay tómendetilgen rejimmen qabyldanuda.

Foto: ashyq derekkózden

Abai.kz