كاسپي قۇبىر كونسورتسيۋمى (كقك) قارا تەڭىزدەگى قولايسىز مەتەوجاعدايعا بايلانىستى مۇناي تيەۋدى توقتاتتى. بۇل تۋرالى كقك مالىمدەدى.

«2023 جىلدىڭ قاراشاسىندا نوۆوروسسيسك تەڭىز پورتىندا كۇن رايىنا بايلانىستى ەسكەرتۋ بىرنەشە رەت جاريالاندى، كقك ونى قاتاڭ ساقتادى.

ەسكە سالا كەتسەك، كقك تەڭىز تەرمينالىندا مۇنايدى تيەۋ ونەركاسىپ جانە ەكولوگيالىق قاۋىپسىزدىك تالاپتارىن قاتاڭ ساقتاي وتىرىپ، جاعالاۋ سىزىعىنان 5 شاقىرىم قاشىقتىقتا ورنالاسقان سوزىلىپ جەتكىزىلەتىن ايلاق قوندىرعىلارى (ساق) ارقىلى جۇزەگە اسىرىلادى.

ساق كونسترۋكتسياسى قولايسىز كۇن رايى جاعدايىندا، مۇناي قۇيۋدىڭ ءداستۇرلى قۇرلىق جۇيەلەرى وپەراتسيالاردى توقتاتۋعا ءماجبۇر بولعان كەزدە مۇناي تيەۋگە مۇمكىندىك بەرەدى»، - دەلىنگەن مالىمەتتە.

قازىرگى كەزدە نوۆوروسسيسك اۋدانىندا وتە قولايسىز مەتەوجاعداي قالىپتاستى: جەل ەكپىنى 22-24 م/س (79,2-86,4 كم/ساع), تولقىن بيىكتىگى – 6-8 مەتر.

نوۆوروسسيسك تەڭىز پورتىنىڭ كاپيتانى داۋىلدى ەسكەرتۋ جاريالادى، وعان سايكەس كقك تەڭىز تەرمينالىندا مۇناي تيەۋ توقتاتىلىپ، تانكەرلەر كۇتۋ ورىندارىنا جىبەرىلدى.

كومپانيانىڭ رەزەرۆۋار پاركتەرى ءىس جۇزىندە تولىق. وسىعان بايلانىستى جونەلتۋشىلەردەن مۇناي تومەندەتىلگەن رەجيممەن قابىلدانۋدا.

فوتو: اشىق دەرەككوزدەن

Abai.kz