Kólik ministri Marat Qarabaev Astanada salynyp jatqan LRT qúrylys-montaj júmystaryn ayaqtau ýshin kelesi jyly shamamen 45 mlrd tenge, al júmys kólemi úlghayar bolsa 150 mlrd tengege deyin qarajat súratanyn aitty.

«Biyl jobagha 52 mlrd tenge bólindi. Jyl basynda osy somany ministrlik endi súrap jatyr degen aqparat tarady. Ángime ol jayly emes. Ol soma bólinip, irgetas qazyqtaryn qaghugha baghyttaldy. Ol júmys 96 payyz oryndaldy. Al tireu ornatu júmystary 76 payyzgha ayaqtaldy. Qúrylymdaryn bir-birine jalghau júmystary, biluimshe, 82 payyz jasaldy. Búl – biyl ayaqtalghan júmystar», – dedi Marat Qarabaev.

Sonday-aq vedomstvo basshysy kelesi jyly jobagha qansha qarajat qajet bolatynyn aitty.

«Kelesi jyly qúrylys-montaj júmystaryn ayaqtau ýshin shamamen 45 mlrd tenge kerek bolady. Qazir qúrylys alanynda 1,5 myngha juyq júmysshy enbek etip jatyr. Eger júmys auqymy keneyse, onda qosymsha 150 mlrd tengege deyin qarajat súraymyz. Alayda nysandy ayaqtau jospary 2025 jylgha kózdelgen. Alghashqyda 8 stansiya men 5 poyyz júmysyn bastaydy, – dedi ministr.

Foto: ashyq derekkózden

Abai.kz