Býgin Almatyda «Qantar oqighasy» boyynsha Arman Júmageldiyev bastaghan topqa sot ýkimi oqyldy. Búl prosess – «Qantar oqighasy» boyynsha eng úzaqqa sozylghan sot prosessterining biri bolyp, el ishinde «Dikiy Arman isi» dep atalyp ketken.

Býgin Almaty qalasynyng mamandandyrylghan audanaralyq әkimshilik soty el ishinde «Dikiy Arman» laqap atymen tanymal «qylmys әlemining serkesi» Arman Júmageldiyev bastaghan 44 adamgha ýkim shyghardy. Olardyng arasynda Almaty maslihatynyng búrynghy deputaty Qayrat Qúdaybergen men QR ÚQK 5-shi departamentining búrynghy bastyghy Ruslan Ysqaqov bar.

Búl iske qatysy bar dep 44 adam aiyptalghan. Al sot prosessi 2023 jyldyng 6 qyrkýieginde bastalghan. Ayyptalushy 44 adamnyng 25-i tergeu izolyatorynda, qalghandary ýiqamaqta bolghan. Sot ayyptalushylardyng barlyghyn kinәli dep tanydy. Sottalushylardyng aldy 1 jyl 3 aidan, arty 20 jylgha deyin bas bostandyghynan aiyru jazasyn arqalady.

Negizgi aiyptalushylar: Arman Júmageldiyev (Dikiy Arman), Ruslan Ysqaqov (QR ÚQK 5-shi departamentining búrynghy bastyghy), Talghat Mahatov (búrynghy qarjy polisiyasynyng agenti), Qayrat Qúdaybergen (búrynghy deputat).

Taghylghan aiyptar: Kýdiktilerge «biyligin asyra paydalanu», úiymdasqan qylmystyq top qúru jәne oghan basshylyq jasau, qaraqshylyq shabuyl, zansyz adamdardy bostandyghynan aiyru, jappay tәrtipsizdik úiymdastyru, sonday-aq banditizm boyynsha aiyp taghyldy.

Arman Júmageldiyev:

Sot «Dikiy Armangha» 20 jyl bas bostandyghynan aiyru jazasyn kesti. Oghan birneshe aiyp qatar taghylghan. Sonyng ishinde Júmageldiyevke «Qantar oqighasy» kezinde 24 adamdy úrlap ketti degen aiyp taghylghan.

Ruslan Ysqaqov:

Almaty qalasynyng mamandandyrylghan audanaralyq әkimshilik soty QR ÚQK 5-shi departamentining búrynghy bastyghy Ruslan Ysqaqovqa 15 jyl 6 aigha týrme jazasyn kesti. Sonday-aq, ol ómir boyy memlekettik qyzmetten shettetildi. Sot prosessi kezinde Ruslan Ysqaqov ózine tikeley Samat Ábish núsqaulyq jasaghanyn, búl iske Samat Ábishting de qatysy bar ekenin aitqan.

Qayrat Qúdaybergen

Tanymal kәsipker әri Almaty maslihatynyng búrynghy deputaty Qayrat Qúdaybergenge sot 8 jyl týrme jazasyn kesti. Ol sonday-aq, memlekettik qyzmetten shettetildi. Qayrat Qúdaybergen búqaralyq is-sharalargha qatysu mýmkindiginen jәne memlekettik marapattarynan aiyryldy.

SOT ÝKIMI:

Júmageldiyev QR QK-ning 262-baby 1-bóligi, 268-baby 1-bóligi, 272-baby 1-bóligi, 272-baby 2-bóligi, 28 baby 3-bóligi, 125-baby 3-bóligi, 1-tarmaghy, 126-baby 3-bóligi, 1-tarmaghy boyynsha kinәli dep tanylyp, oghan 20 jylgha bas bostandyghynan aiyru jazasy taghayyndaldy.

R. Ysqaqov QR QK-ning 262-baby 3-bóligi, 272-baby 1-bóligi, 362-baby 4-bóligi, 3-tarmaghy, 28-baby 3-bóligi, 125-baby 3-bóligi, 1-tarmaghy, 28-baby 3-bóligi, 126-baby 3-bóligi 1-tarmaghy, 268-baby 3-bóligi boyynsha kinәli dep tanylyp, oghan 15,6 jylgha bas bostandyghynan aiyru jazasy taghayyndaldy.

Q.Qúdaybergen QR QK-ning 272-baby 1,2-bólikteri, 126-baby 2-bóligi, 1 jәne 7-tarmaqtary boyynsha kinәli dep tanylyp, oghan 8 jyl bas bostandyghynan aiyru jazasy taghayyndaldy.

Jappay tәrtipsizdikterding basqa qatysushylaryna – Júmageldiyevting qylmystyq tobynyng mýshelerine (barlyghy 13 adam) 10 jyldan 15,5 jylgha deyin bas bostandyghynan aiyru jazasy taghayyndaldy.

Qylmystyq toptyng qúramyna kirmeytin jappay tәrtipsizdikterding basqa qatysushylaryna 1,5 jyldan 7 jylgha deyin bas bostandyghynan aiyru jazasy taghayyndaldy.

Abai.kz