AQSh preziydenti Donalid Tramp komandasy Resey men Ukraina arasyndaghy 28 tarmaqty bitimgerlik dep atalatyn jospardy maqúldady. Ony Tramp әkimshiligining joghary lauazymdy sheneunikteri songhy birneshe apta boyy Resey preziydentining shet eldermen investisiyalyq-ekonomikalyq yntymaqtastyq jónindegi arnayy ókili Kirill Dmitriyevpen jәne ukrainalyq sheneuniktermen kenese otyryp әzirledi. Búl turaly NBC News habarlady.

Sheneunikting aituynsha, jospardy әzirleuge Tramptyng arnayy ókili Stiv Uitkoff, viyse-preziydent Djey Dy Vens, memlekettik hatshy Marko Rubio jәne preziydentting kýieu balasy Djared Kushner qatysqan.

«Jospar eki tarapqa da úzaq merzimdi beybitshilikti qamtamasyz etu ýshin qauipsizdik kepildikterin beruge baghyttalady. Oghan Ukrainanyng qalauy men úzaq beybitshilik ýshin qajettilikteri kiredi», - dep sendiredi amerikalyq sheneunik. Jariyalanymda sheneunikting osy proseske qatysatyn negizgi taraptarmen bolatyn kelissózderding egjey-tegjeyin ashpaghany atap ótildi.

Sonday-aq, AQSh-tyng ýsh sheneunigi NBC News-ke beybitshilik kelisimining shenberin ukraindyqtar әli de úsynuy kerektigin jәne jospar jobasyn týpkilikti kelisu merzimi Pentagon delegasiyasynyng Ukrainagha saparymen sәikes keletinin aitty. Amerikalyq sheneunik búl sapardy Aq ýiding «beybit kelissózderdi janghyrtugha» baghyttalghan jospary retinde sipattady.

«AQSh-tyng beybitshilik kelissózderin qayta jandandyru jónindegi kýsh-jigeri qarqyn alyp kele jatqanday kórinedi, biraq Kremli soghysty toqtatu ýshin ózining sharttaryn ózgertuding eshqanday belgisin kórsetpeydi jәne BAQ AQSh-tyng 28 tarmaqty beybitshilik jospary boyynsha júmys istep jatqany turaly habarlamasynyng manyzyn tómendetip jiberdi», - delingen basylymda.

Politico jәne Wall Street Journal jazghanday, Ukrainagha qúrlyq әskerlerining ministri (azamattyq túlgha) Den Driskoll bastaghan amerikalyq әskery delegasiya keldi. Delegasiya qúramyna sonday-aq AQSh qúrlyqtaghy әskerleri shtabynyng bastyghy general Rendy Djordj jәne amerikalyq әskerlerding Europadaghy qolbasshysy general Kris Donahiu kirdi. Olar ukrainalyq sheneuniktermen, sayasatkerlermen, әskery jәne industriya ókilderimen kezdesui tiyis.

«Amerikalyqtar Vladimir Zelenskiymen kezdesudi josparlap otyr. Keyinirek Driskoll reseylik sheneuniktermen de kezdesuge tiyis», - dep jazady WSJ.

AQSh Qorghanys ministrligining ókili Driskolldyng 28 tarmaqty jospar turaly habardar bolghanymen, biraq búl onyng Kiyevtegi kezdesulerining basty mәselesi bolyp tabylmaytynyn habarlady.

Ukraina Ýkimetine jaqyn derekkózding jәne osy mәselemen jaqsy tanys europalyq sheneunikting aqparatyna qaraghanda, Ukraina úsynylghan beybit jospardy әzirleuge qatyspaghan. Osy atalghan eki derekkózding aituynsha, Ukraina jospardyng jalpy nobaylary turaly habardar etilgenimen, biraq egjey-tegjeyli aqparat alghan joq jәne óz úsynystaryn engizu ýshin shaqyrylghan joq.

«Preziydent (Donalid Tramp) kisi qanyn tógudi toqtatudyng jәne soghysty toqtatu turaly kelisim jasaudyng uaqyty kelgenin anyq kórsetti. Tramptyng oiynsha, eger iykemdilik tanytsaq, búl mәn-maghanasyz soghysty toqtatugha mýmkindik bar», - dep mәlimdedi Aq ýiding ókili.

Axios aqparat kózine silteme jasap, Ukrainanyng Últtyq qauipsizdik jәne qorghanys kenesining (ÚQK) basshysy, búrynghy qorghanys ministri Rýstem Umerov pen Amerika preziydentining arnayy ókili Stiv Uitkoff jana jospar boyynsha kelisimge qol jetkizgenin habarlaydy. Basylymnyng aituynsha, Ukraina preziydenti Vladimir Zelenskiy Umerovqa Uitkoffpen kelissózder jýrgizuge ókilettik bergen, al onyng kóptegen týsiniktemeleri 28 tarmaqty jospardyng mәtinine engen. Derekkóz Umerovpen kelissózder barysynda «kóptegen uaghdalastyqtargha» qol jetkizilgenin týsindirdi. Búl rette ukrainalyq sheneunik Axios-pen әngimede Umerov jospardyng sharttaryn qabyldaghanyn joqqa shyghardy. Súhbattasushy Kiyev qújatta keltirilgen kóptegen tarmaqtargha qarsylyq bildiretinin atap ótti.

19 qarashada Axios Uitkoff Kirill Dmitriyevpen jospar tújyrymdamasyn talqylaghanyn habarlady. Songhysy basylymgha bergen súhbatynda osy strategiyanyng tabysqa jetu mýmkindigine optimizm bildirip, «Biz Reseyding ústanymy shynymen de júrt qúlaghyna shalynghanyn sezinemiz» dep atap ótti. Ol Resey men AQSh preziydentteri tamyz aiynda Alyaskada talqylaghan qaghidattar jospardyng negizine arqau bolyp alynghanyn algha tartty. «Búl, shyn mәninde, әldeqayda keng shenberli kelisim, onda biz shyn mәninde tek Ukrainada ghana emes, Europada úzaq merzimdi qauipsizdikke qalay qol jetkize alatynymyz aitylghan», - dedi Dmitriyev. Amerikalyqtar búl jospardyng «artyqshylyqtaryn» europalyqtargha da, ukraindyqtargha da týsindiruge tyrysyp baghuda.

WSJ derekkózderining aituynsha, Tramp әkimshiligi Gaza sektoryn retteudegidey tәsildi osy oraydada qayyra qoldanugha tyrysady. Atap aitar bolsaq, әueli auqymdy jospar dayyndap, sodan keyin shiyelenisti taraptardy ony qabyldaugha «iytermeleydi». Gazetting jazuynsha, Tramp kómekshilerine eki tarapqa da «yntalandyratyn» jana úsynystar әzirleudi tapsyrghannan keyin jospar boyynsha júmys bastaldy. Resey ýshin búl Batyspen ekonomikalyq qatynastardy qalpyna keltiru, Ukraina ýshin - qalpyna keltiru sharuasyna kómektesu bolyp tabylady.

Batystyq aqparattar AQSh әzirlegen jana bitimning jay-japsaryn jazyp jatyr. Qarap túrsang búny Ukrainanyng kapitulyasiyasyna teneuge bolady. Qaranyzdar:

Financial Times bylay dep jazady:

- AQSh-tyng jana bitim jospary Reseyding ynghayyna jyghylghan. Onda Ukraina armiyasynyng sanyn 2 esege azaytu jәne Donbasstan tolyq bas tartu jazylghan. Búl - Ukrainanyng kapitulyasiyasymen teng dýniye. Al AQSh Ukrainagha, preziydent Zelenskiyge atalghan kelisimge qol qoygha qysym jasauda, - deydi.

- Uitkoff pen Dmitriyev әzirlegen búl bitim jobasynda Ukraina aumaghynda orys tiline ekinshi memlekettik til statusyn beru jәne orys shirkeuine airyqsha status beru turaly jazylghan, - deydi.

Reuters agenttigi bylay dep jazady:

- AQSh-tyng jana bitim josparynda Ukraina әskeri men tehnikasynyng sanyn 2 esege qysqartu turaly jazylghan, - deydi.

Axios bylay dep jazady:

- Jana bitim josparynda Ukraina Doneski oblysynan tolyqtay bas tartuy kerek. Al AQSh pen Europa Qyrym men Donbassty Reseydiki dep moyyndaydy. Ukraina әskerin alyp shyqqan Donbass qarusyzdanghan aimaq boluy mindetteledi, - deydi.

- Soghys Zaporoj ben Hersonnyng maydan syzyghynda toqtaydy. Keleshekte Resey atalghan 2 oblystyng key aumaqtaryn Ukrainagha qaytaryp beredi (qay territoriyalar qaytarylatyny anyq jazylmaghan), - deydi.

- Ukraina Qyrym men Donbassty Reseydiki dep moyyndaugha mindettelmeydi. AQSh Ukrainagha qauipsizdik kepildigin beredi, biraq naqty qanday kepildik jәne ol qanday formada beriletini jazylmaghan, - deydi.

Abai.kz