Jetisu oblysy qúrylghannan beri Kerbúlaq audanyndaghy jýieli infraqúrylymdyq mәselelerdi sheshu baghytynda jýieli sharalar qabyldandy.

Atap aitqanda, búl - gazdandyru, sapaly auyz sumen ýzdiksiz qamtamasyz etu, jol jóndeuge qatysty. Búl turaly Kerbúlaq audanynyng aktiyvimen ótken kezdesude oblys әkimi Beybit Isabaev keninen aitty, - dep habarlaydy Jetisu oblysy әkimining baspasóz qyzmeti.

- Songhy ýsh jylda Kerbúlaq audanynda auqymdy júmystar atqaryldy, ózekti infraqúrylymdyq mәseleler sheshildi. Manyzdy jobalardy iske asyru men әleumettik nysandardy salugha budjetten qomaqty qarjy bólindi. «Saryózek-Kóktal» respublikalyq manyzy bar avtomobili jolyn jóndeu júmystary byltyr tolyq ayaqtaldy, «Saryózek auylyn ainalyp ótu» joly biyl paydalanugha beriledi. Osy joldar búzylmas ýshin «Alasem» senemet zauyty tehnikalyq jol saldy. Saryózekti auyz sumen tolyq qamtamasyz etu jobasy ayaqtaluda, endi su jýiesin tekseru men synaqtan ótkizu, abattandyru júmystary qaldy, - dedi B. Isabaev.

Sonday-aq songhy ýsh jylda audandaghy jergilikti manyzy bar 67,3 shaqyrym jolgha aghymdaghy jәne ortasha jóndeu júmystary jasaldy, sonyng ishinde auyldyng ishki joldary, eldi mekenge kirme joldardyng jóndeui, kópir qúrylystary da bar.

Jolda jii jýretin kólik iyeleri búl iygi ózgeristerge rizashylyq bildirdi.

- Qazir audandaghy joldardyng sapasy edәuir jaqsardy. Ózim Sarybúlaq auylynan Saryózekke kýndelikti baryp-kelip júmys isteymin. Sondyqtan kýn sayyn jol jýremin desem artyq aitqandyq emes. Búryn oily-shúqyr jolmen jýrgende ay sayyn kóligimizdi jóndetuge tura keletin. Qazir jolymyz jaqsy, әsirese ainalma jol paydalanugha beriletinine quanyp otyrmyz, - deydi Sarybúlaq auylynyng túrghyny Áset Ózenbaev.

Audandaghy qolgha alynghan taghy bir manyzdy infraqúrylymdyq joba – eldi mekenderdi gazdandyru. Memleket basshysynyng Kerbúlaq audanynan Taldyqorghangha deyingi eldi mekenderge gaz tartu turaly tapsyrmasyna sәikes Jetisu oblysynda songhy ýsh jylda qabyldanghan sharalardyng arqasynda Kerbúlaq audanynda 25 auylgha gaz tartyldy, yaghny 33,3 myng túrghynnyng kógildir otyngha qosyluyna mýmkindik jasaldy. Oghan qosa taghy 6 eldi mekenge gaz tartudyng jobalau-smetalyq qújattamasyn әzirleu tapsyryldy. Qúrylys júmystaryn 2026–2027 jyldary jýrgizu josparlanyp otyr.

Búl rette audangha gaz tartylghanyna jәne auyz su mәselesining sheshilgenine túrghyndar quanyshty. Solardyng biri Saryózek auylynyng túrghyny Túrghan Mayshybekova óz pikirin bildirdi:

- Ýiimizge gaz kirgizdik. Endi qysta otyn-kómir tasyp, ot jaghyp әure bolmaymyz. Sol siyaqty biz úzaq jyl su tapshylyghyn kórip keldik, auyz sudy qúdyqtan tasyp ishtik. Qazir ortalyq su jýiesi iske qosylghan, ýige su qúbyryn tarttyq. Aldaghy uaqytta sudyng jana jelisin iske qosqaly jatqanyn estidik. Endi su beru jaghdayy búdan da jaqsarady dep senemiz. Jalpy alghanda qazir qala men auyl túrmysynyng esh aiyrmashylyghy joq, auylda da jayly ómir sýruge barlyq jaghdayymyz jasalghan, - dedi ol.

Abai.kz