Astanada QR Premier-ministrining orynbasary – Mәdeniyet jәne aqparat ministri Aida Balaevanyng tóraghalyghymen QR Enbek jәne halyqty әleumettik qorghau ministrligining keneytilgen alqa otyrysy ótti.

Is-sharagha QR Enbek jәne halyqty әleumettik qorghau ministri Asqarbek Ertaev, Parlament deputattary, ortalyq jәne jergilikti memlekettik organdar ókilderi, ministrlikke qarasty úiymdar, әleumettik seriktester qatysty.

Premier-ministrding orynbasary Memleket basshysy әleumettik salagha erekshe kónil bóletinin atap ótti. Azamattardyng jaghdayy men elding túraqty damuy jana Konstitusiya jobasynyng negizgi ózegine ainalghany aityldy.

Otyrysta basty mәselelerding biri halyqty júmyspen qamtu taqyryby boldy. 2025 jyldyng qorytyndysy boyynsha elde 2,9 mln sapaly júmys orny saqtaldy. 2026 jyly ónirlik júmyspen qamtu kartalary ayasynda 547,7 myng adamdy júmysqa ornalastyru josparlanyp otyr.

Jiynda júmys ornyndaghy adam qauipsizdigi men qorghaluy da qaraldy. «Sifrlandyru jaghdayynda ynghayly әri týsinikti kommunikasiya qúraldaryn engizu manyzdy», – dep esepteydi Aida Balaeva.

Sonymen qatar, taraptardyng kepildikterin, qúqyqtary men mindetterin aiqyndaytyn enbek shartyn әzirleu tapsyryldy.

Vedomstvonyng basym mindetterining biri – mýgedektigi bar adamdardy keshendi әleumettik qorghau. Olardy júmyspen qamtu tәsilderin jetildiru, tehnikalyq qajet qúraldarymen qamtamasyz etu jәne infraqúrylym nysandarynyng qoljetimdiligin arttyru mәseleleri ózekti ekeni aityldy. Sonday-aq, mýgedektigi bar balalardy damytu men әleumettendiruge erekshe nazar audaryldy.

Mýgedektikti taghayyndau rәsimining ashyqtyghyn qamtamasyz etu maqsatynda Premier-ministrding orynbasary Densaulyq saqtau ministrligi men Enbek jәne halyqty әleumettik qorghau ministrligining aqparattyq jýielerin biriktirudi tapsyrdy. Memleket basshysy jariyalaghan «Sifrlandyru jәne jasandy intellekt jyly» ayasynda ministrlik aldynda әleumettik-enbek salasyn tehnologiyalyq túrghyda janghyrtu boyynsha auqymdy mindet túrghany sóz etildi.

Otyrysta ministr Asqarbek Ertaev bayandama jasap, vedomstvo júmysynyng nәtiyjelerin qorytyndylap, aldaghy kezenge arnalghan negizgi mindetterdi belgiledi.

Abai.kz