Býgin – qazaq dalasy ýshin airyqsha kýn. Biz enseli elordamyz Astananyng tughan kýnin toylaumen qatar, últtyq ruhymyzdyng jany, halqymyzdyng tól bolmysynyng ainasy sanalatyn Últtyq Dombyra kýnin erekshe iltipatpen atap ótip jatyrmyz. Búl qos merekening bir kýnge túspa-tús keluinde tereng simvoldyq mәn bar. Eger Astana – egemen elimizding sayasy jýregi, jarqyn bolashaqqa úmtylghan jasampazdyghymyzdyng simvoly bolsa, qasiyetti dombyra – sol últtyq dilimiz ben babalar tarihyn jýreginde saqtap, úrpaqtar jalghastyghyn qamtamasyz etip túrghan altyn dingegimiz.

Últtyq Dombyra kýni – tamyry tereng mәdeniyetimizdi janghyrtatyn eng qadirli merekelerding biri. Aqyn Qadyr Myrza Álining «Naghyz qazaq – dombyra» degen qanatty sózi osy aspaptyng últ ómirindegi ornyn aiqyndap bergendey. Qos ishekti qara dombyra – jay ghana aspap emes, ol – últymyzdyng ýni, tarihymyzdyng shejiresi jәne ruhany jadymyzdyng saqtaushysy. Qazaq halqynyng quanyshynda da, qiyndyghynda da qasynan tabylyp, jigerin janyghan, ruhyn asqaqtatqan qasiyetti aspap býgingi jahandanu zamanynda tól mәdeniyetimizding myzghymas túghyry bolyp qala beredi. Dombyranyng kýmbiri estilgen jerde elding ruhy oyanyp, birligimiz beky týsedi. Osy orayda, halyqaralyq qauymdastyqqa qazaq dombyrasynyng sazdy әuenin tanystyru – bizding ortaq paryzymyz. Sondyqtan da búl kýni ónerimizdi dәriptep, ómirin osy ónerge arnaghan kýishiler men ústazdardyng enbegin baghalap, jas úrpaqtyng boyyna últtyq qúndylyqtarymyzdy siniru – óte manyzdy mindet. Tarihiy-mәdeny múrany saqtau, tól mәdeniyetti qoldau alghash ret Halyq Ata zanynyng negizgi qaghidaty retinde aiqyndalghany da osynyng dәleli.

Elordamyz Astana da jyl ótken sayyn janaru ýstinde. Býginde Astana – tek sayasi-ekonomikalyq ortalyq qana emes, sonymen birge aimaqtyq jәne jahandyq sayasattyng asa manyzdy mәseleleri sheshiletin alangha ainaldy. Qalada masshtabty infraqúrylymdyq jobalar jýzege asyrylyp, «Tarlan» jenilrelisti kólik jelisining qúrylysy jalghasuda. Sonymen qatar, Qazaqstan temir joly tarihynyng múrajayy ashylyp, búryn ayaqtalmaghan nysandardy qatargha qosu jәne zamanauy qalalyq ortany qalyptastyru boyynsha keshendi júmystar atqaryluda. Qala әkimi Jenis Qasymbekting basshylyghymen infraqúrylymdy damytu, sayabaqtar men qoghamdyq kenistikterdi abattandyru, kógaldandyru jәne qala túrghyndary men qonaqtary ýshin jayly jaghday jasaugha erekshe mәn berilude. Memleket basshysy atap ótkendey, elordamyz «Zang men Tәrtip» jәne «Taza Qazaqstan» qaghidattaryna negizdelgen jana qoghamdyq etikanyng ortalyghy boluy tiyis.

Astananyng mereyi men dombyranyng kýmbiri astasyp jatqan osy bir manyzdy kýnde barsha otandastarymyzdy merekemen qúttyqtaymyn. Últtyq aspabymyzdyng qasiyetti ýni úrpaqtan-úrpaqqa jalghasyp, qazaqtyng ruhyn әlemge pash ete bersin. Elimiz aman, júrtymyz tynysh bolyp, Ádiletti әri Quatty Qazaqstandy qúru jolyndaghy iygi isterimiz әrdayym jemisti bolsyn. Ár shanyraqqa baq-bereke, yrys pen amandyq tileymin. Merekeleriniz qútty bolsyn, qymbatty otandastar!

Abai.kz