Nepaldyng Últtyq apattardyng zardaptaryn jong jónindegi basqarmasynyng mәlimetinshe, elde tabighy apattan qaza tapqandar sany 903 adamgha jetti. Búl turaly BBC habarlaydy.

Sonymen qatar Nepalda 4200-den astam adam habar-osharsyz ketkender tiziminde túr. Memlekettik BAQ-tyng mәlimeti boyynsha, kórshiles Qytayda 16 adam qaza tauyp, taghy 546 adam iz-týzsiz joghalghan.

Ótken aptada su tasqyny bastalghan aimaqtan tómenirek ornalasqan Nepaldyng Chitvan audanynyng biyligi jaghalaudan tabylghan belgisiz mәiitterdi jerleuge kóshti. Mәiitterdi qoymas búryn, keyin marqúmnyng jeke basyn tuystarynyng genetikalyq derekterimen salystyryp anyqtau ýshin DNQ ýlgileri alynyp jatyr.

Tabylghan 272 mәiitting 200-ge juyghy jeksenbi kýni jerlendi. Sheneunikterding aituynsha, qalghan mәiitter de býgin jerge tapsyryluy tiyis. Búghan deyin Chitvan biyligi denening qatty zaqymdanuyna baylanysty marqúmdardyng aty-jónin anyqtau óte qiyngha soghyp jatqanyn habarlaghan edi.

Nepal polisiyasy әrbir jerleu prosesining múqiyat qújattalatynyn jetkizdi. Qabirlerge arnayy rettik nómirler bekitilip, DNQ ýlgileri men marqúmdardy tanugha kómektesetin barlyq qoljetimdi aqparat saqtalady.

Eske salsaq, 26 tamyzda Nepal men Qytay shekarasy manynda kenetten bastalghan su tasqyny joyqyn kóshkinge úlasqan bolatyn. Su, balshyq pen tas aralas joyqyn aghyn angharlar men eldi mekenderdi shayyp ketip, ýilerdi, joldardy, kópirler men ózge de infraqúrylymdy talqandady.

Búghan deyin Nepaldaghy su tasqyny saldarynan 794 adamnyng qaza tapqany habarlanghan edi.

Abai.kz