Әлемде адамдар қазір технологияның қарқынды дамуының арқасында көп ақша табуда. Адамзат үшін бүгін де, бұған дейін де сауда мен өнеркәсіп негізгі табыс көздерінің бірі болған. Жуырда интернет кеңістігінде адамзат тарихындағы ең бай үш адам туралы мәлімет тарады. Сонымен, барлық уақыттағы ең бай адамдардың тізіміне кімдер енген? Қараңыз:

Сурет: Theodore C. Marceau/Library of Congress.

Үшінші орында Эндрю Карнеги тұр. Ол – кәсіпкер, ірі өнеркәсіпші және филантроп болған. Оның дүние байлығы инфляцияны есепке алғанда, 309 миллиард долларға бағаланып отыр. 1838-1919 жылдары өмір сүрген Карнеги алғашында теміржол кәсібімен айналысып, кейін металлургиялық зауытты сатып алған. АҚШ және Ұлыбритания азаматтығы болған.

Карнеги өмірінің соңғы жылдарын және байлығының көп бөлігін қайырымдылыққа - мәдениет, білім және халықаралық қатынастар салаларындағы әртүрлі жобаларға, ең алдымен қоғамдық кітапханаларға арнаған.

Сурет: Scientific American Compiling Dep't.

Екінші орынды Джон Рокфеллер иеленген. Ол – тарихтағы ең атақты мұнай магнаты. Оның байлығы 336 миллиард долларға бағаланады. Рокфеллер 1870 жылы «Standard Oil» компаниясының негізін қалаған. Қазір оның отбасы Америка Құрама Штаттардағы мұнай бизнесінің 90%-на дейін бақылайды.

Сурет: wikipedia.org

Көшбасшысы - Натан Ротшильд. Ол байлықты облигациялар мен соғыстар арқылы тапты. Ротшильд Наполеонды да, оның қарсыластарын да соғыстарда ақшамен қолдағаны белгілі. Ол бір күннің ішінде Наполеонның Ватерлоо шайқасындағы жеңісі туралы жалған ақпараттан 40 миллион фунт стерлингке жуық табыс тапқан. Қазір сарапшылар оның байлығын инфляцияны ескере отырып, 350 миллиард долларға бағалап отыр.

Керімсал Жұбатқанов,

тарих ғылымдарының кандидаты, С. Сейфуллин атындағы Қазақ агротехникалық зерттеу университетінің доценті

Abai.kz