الەمدە ادامدار قازىر تەحنولوگيانىڭ قارقىندى دامۋىنىڭ ارقاسىندا كوپ اقشا تابۋدا. ادامزات ءۇشىن بۇگىن دە، بۇعان دەيىن دە ساۋدا مەن ونەركاسىپ نەگىزگى تابىس كوزدەرىنىڭ ءبىرى بولعان. جۋىردا ينتەرنەت كەڭىستىگىندە ادامزات تاريحىنداعى ەڭ باي ءۇش ادام تۋرالى مالىمەت تارادى. سونىمەن، بارلىق ۋاقىتتاعى ەڭ باي ادامداردىڭ تىزىمىنە كىمدەر ەنگەن؟ قاراڭىز:

سۋرەت: Theodore C. Marceau/Library of Congress.

ءۇشىنشى ورىندا ەندريۋ كارنەگي تۇر. ول – كاسىپكەر، ءىرى ونەركاسىپشى جانە فيلانتروپ بولعان. ونىڭ دۇنيە بايلىعى ينفلياتسيانى ەسەپكە العاندا، 309 ميلليارد دوللارعا باعالانىپ وتىر. 1838-1919 جىلدارى ءومىر سۇرگەن كارنەگي العاشىندا تەمىرجول كاسىبىمەن اينالىسىپ، كەيىن مەتاللۋرگيالىق زاۋىتتى ساتىپ العان. اقش جانە ۇلىبريتانيا ازاماتتىعى بولعان.

كارنەگي ءومىرىنىڭ سوڭعى جىلدارىن جانە بايلىعىنىڭ كوپ بولىگىن قايىرىمدىلىققا - مادەنيەت، ءبىلىم جانە حالىقارالىق قاتىناستار سالالارىنداعى ءارتۇرلى جوبالارعا، ەڭ الدىمەن قوعامدىق كىتاپحانالارعا ارناعان.

سۋرەت: Scientific American Compiling Dep't.

ەكىنشى ورىندى دجون روكفەللەر يەلەنگەن. ول – تاريحتاعى ەڭ اتاقتى مۇناي ماگناتى. ونىڭ بايلىعى 336 ميلليارد دوللارعا باعالانادى. روكفەللەر 1870 جىلى «Standard Oil» كومپانياسىنىڭ نەگىزىن قالاعان. قازىر ونىڭ وتباسى امەريكا قۇراما شتاتتارداعى مۇناي بيزنەسىنىڭ 90%-نا دەيىن باقىلايدى.

سۋرەت: wikipedia.org

كوشباسشىسى - ناتان روتشيلد. ول بايلىقتى وبليگاتسيالار مەن سوعىستار ارقىلى تاپتى. روتشيلد ناپولەوندى دا، ونىڭ قارسىلاستارىن دا سوعىستاردا اقشامەن قولداعانى بەلگىلى. ول ءبىر كۇننىڭ ىشىندە ناپولەوننىڭ ۆاتەرلوو شايقاسىنداعى جەڭىسى تۋرالى جالعان اقپاراتتان 40 ميلليون فۋنت ستەرلينگكە جۋىق تابىس تاپقان. قازىر ساراپشىلار ونىڭ بايلىعىن ينفلياتسيانى ەسكەرە وتىرىپ، 350 ميلليارد دوللارعا باعالاپ وتىر.

كەرىمسال جۇباتقانوۆ،

تاريح عىلىمدارىنىڭ كانديداتى، س. سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ دوتسەنتى

Abai.kz