ەلىمىزدە جۇمىسسىز جاستاردىڭ سانى 3,4 پايىزعا ءوستى، - دەپ حابارلايدى Tengrinews.kz.

2019 جىلدىڭ ءۇشىنشى توقسانىندا قازاقستاندا 15-28 جاس ارالىعىنداعى 2,1 ميلليون جاس جۇمىسپەن قامتىلعان. بۇل الدىڭعى جىلعا قاراعاندا 3,8 پايىزعا كوپ.

15 پەن 28 جاستاعىلاردىڭ اراسىندا جۇمىسپەن قامتۋ الماتى وبلىسىندا باسىم: 278,1 مىڭ ادام. ودان كەيىنگى ورىندا الماتى - 258,1 مىڭ ادام جانە جامبىل وبلىسىندا - 199,6 مىڭ ادام.

جاستار كوبىنە ساۋدا-ساتتىق جانە اۆتوجوندەۋ سالاسىندا قىزمەت ەتەدى: 388,7 مىڭ ادام نە 18,3 پايىز. سونىمەن قاتار، جاستار اراسىندا كەڭىنەن تارالعان ماماندىقتارعا اۋىل، ورمان جانە بالىق شارۋاشىلىعى، سونداي-اق ءبىلىم سالاسى جاتادى.

توپ-5 سالاعا مەملەكەتتىك باسقارۋ مەن قورعانىس، مىندەتتى الەۋمەتتىك قامسىزداندىرۋ (152 مىڭ) مەن وڭدەۋ ونەركاسىبى (149,6 مىڭ) جاتادى.

ال 15 پەن 28 جاس ارالىعىنداعى جۇمىسسىز جاستاردىڭ سانى - 84,7 مىڭ. بۇل كورسەتكىش بىلتىرمەن سالىستىرعاندا كوپ (81,9 ادام). 2018 جىلى جۇمىسسىز جاستاردىڭ سانى 3,9 پايىزعا، 2019 جىلى 3,8 پايىزعا ازايعان.

ايتا كەتەيىك، قالالىق وڭىردەگى جۇمىسسىز جاستاردىڭ سانى 4,2 پايىزدان 4,3 پايىزعا ۇلعايسا، ال اۋىلدىق جەرلەردە كەرىسىنشە 3,4 پايىزدان 3,2 پايىزعا ازايعان.

Abai.kz