ونىڭ ايتۋىنشا، 14 قاڭتارداعى سوت وتىرىسىندا ادۆوكاتتاردىڭ ەكى ءوتىنىشى قارالعان.
"العاشقىسى پروكۋرورلاردىڭ بىرەۋىن الماستىرۋ ءوتىنىشى. سەبەبى ول بۇل ءىس بويىنشا تەرگەۋگە قاتىسقان. زاڭعا سايكەس، مۇنداي جاعدايدا پروكۋرور الماستىرىلۋى ءتيىس. بىراق سۋديا بۇل ءوتىنىشتى قاناعاتتاندىرمادى. ەكىنشىدەن المازبەك اتامباەۆتىڭ قاماۋداعى مەرزىمى 15 ناۋرىزعا دەيىن ۇزارتىلدى", - دەدى جووشەۆ.
اتالعان ءىس بويىنشا ەكس-پرەزيدەنتتەن بولەك بۇرىنعى باس پروكۋرورلار ايدا ساليانوۆاعا، ينديرا جولدۋباەۆاعا، وننان اسقان بۇرىنعى شەنەۋنىكتەرگە، دارىگەرلەرگە ايىپ تاعىلعان.
باتۋكاەۆ 2013 جىلى "ايىقپاس ىندەتكە شالدىقتى" دەگەن نەگىزدە مەرزىمىنەن بۇرىن تۇرمەدەن شىققاننان كەيىن، ارنايى ۇشاقپەن رەسەيگە ۇشىپ كەتكەن. ىشكى ىستەر مينيسترلىگى ء(ىىم) بيىل بۇل ءىس بويىنشا قايتا تەرگەۋ جۇرگىزىپ، سوتقا وتكىزىپ بەرگەن.
اتامباەۆ 8 تامىزدا كوي-تاش اۋىلىنداعى ۇيىندە كۇش قۇرىلىمدارىنىڭ ارنايى وپەراتسياسى كەزىندە ۇستالىپ، ۇقمك تەرگەۋ اباقتىسىندا وتىر.
Abai.kz
