207 قازاقستاندىق ەۋروپادان ارنايى رەيسپەن جەتكىزىلدى. بۇل تۋرالى سىرتقى ىستەر مينيسترلىگى مالىمدەدى.

مينيسترلىك مالىمەتىنشە، كەلگەندەردىڭ كوبى ەۋروپادا وقيتىن ستۋدەنتتەر.

"بۇگىن كوروناۆيرۋس پاندەمياسى اياسىندا الەمدەگى قولايسىز جاعدايعا بايلانىستى ءبىزدىڭ وتانداستارىمىزدى قازاقستانعا قايتارۋ بويىنشا قابىلدانىپ جاتقان شارالار اياسىندا، پولشاعا وتاندىق SCAT اۋەكومپانياسىنىڭ ارنايى چارتەرلىك رەيسى جىبەرىلدى.

پولشا بيلىگى ەنگىزگەن رەجيم مەن شەكاراسىنىڭ جابىلۋىنا قاراماستان، ۆارشاۆاداعى قر ەلشىلىگىنىڭ كۇشىمەن قازاقستاندىق جولاۋشىلاردى وتانىمىزعا قايتارۋ تۋرالى كەلىسىمگە قول جەتكىزىلگەنىن اتاپ وتكەن ءجون

ءبىزدىڭ ديپلوماتتارىمىزدىڭ، يندۋستريا جانە ينفراقۇرىلىمدىق دامۋ مينيسترلىگى قىزمەتكەرلەرىنىڭ، سونداي-اق جەرگىلىكتى بيلىك پەن قازاقستاندىق اۋەكومپانيا وكىلدەرىنىڭ ۇيلەسىمدى جۇمىسى ناتيجەسىندە ۇشۋىن بىرنەشە كۇن بويى كۇتىپ وتىرعان 207 جولاۋشى قازاقستانعا ءساتتى ورالدى. جولاۋشىلاردىڭ باسىم بولىگى ەۋروپادا وقيتىن قازاقستاندىق ستۋدەنتتەر بولىپ تابىلادى.

كۇندىز-ءتۇنى ەڭبەك ەتىپ، ءوز دەنساۋلىقتارىنا ءتونىپ تۇرعان قاتەرگە قاراماستان وتانداستارىن رۋحاني توزىمدىلىكتىڭ جەكە ۇلگىسىمەن سەرگىتكەنى ءۇشىن ءبىزدىڭ ۆارشاۆاداعى ارىپتەستەرىمىزگە العىسىمىزدى بىلدىرەمىز", - دەلىنگەن مينيسترلىكتىڭ حابارلاماسىندا.

دەرەككوز: Tengrinews.kz 

Abai.kz