استانا كۇنىن مەرەكەلەۋ قارساڭىندا تالعار قالاسىندا تۇرعىن ۇيگە كەزەكتە تۇرعان ازاماتتارعا ساتىپ الۋ قۇقىعىنسىز جالعا بەرىلەتىن 170 پاتەر تاپسىرىلدى.

جالپى 170 پاتەردىڭ 61-ءى "حالىقتىڭ الەۋمەتتىك وسال توپتارى" ساناتى بويىنشا، 55-ءى "كوپبالالى وتباسى" ساناتى بويىنشا، 34-ءى "جەتىم بالالار" جانە 20-سى «مەملەكەتتىك قىزمەتكەرلەر جانە بيۋدجەتتىك ۇيىم قىزمەتكەرلەرى» ساناتى بويىنشا كەزەكتە تۇرعان ازاماتتارعا بولىنگەن.

بەرىلگەن پاتەرلەر اۋدان اكىمدىگىنىڭ تاپسىرىسى بويىنشا تالعار قالاسىنىڭ «جاڭا تالعار» ىقشام اۋدانىندا سالىنعان.

سونىمەن بىرگە قۇرىلىسى اياقتالعان تاعى 170 پاتەرلى 3 ءۇي «نۇرلى جەر» باعدارلاماسى اياسىندا جۇزەگە اسىرىلۋدا. وسى التى ءۇيدىڭ قۇرىلىس جۇمىستارىنا مەملەكەتتىك بيۋدجەتتەن جالپى 3 ملرد 135 ملن تەڭگە جۇمسالدى.

«اۋدانىمىزدا تۇرعىن ءۇي الۋ كەزەگىندە 4912 ادام تۇر. قازىرگى ۋاقىتتا تۇرعىن ءۇي جاعدايىن جاقسارتۋدا ازاماتتاردى قولداۋ ءۇشىن شارالار كەشەنى ىسكە اسىرىلۋدا. وسى جىلى 340 پاتەرلى 6 ءۇيدىڭ قۇرىلىسىن اياقتاپ، قولدانىسقا بەردىك. كەلەسى جىلى 9 قاباتتى 5 ءۇيدىڭ (360 پاتەر) قۇرىلىسىن باستاۋدى جوسپارلاپ وتىرمىز»، - دەپ قورىتىندىلادى اۋدان باسشىسى جولان وماروۆ.

Abai.kz