وسىعان دەيىن ترامپتىڭ ادۆوكاتتارى پرەزيدەنتكە قىلمىستىق ءىس قوزعاۋعا، تەرگەۋگە بولمايتىن ارنايى مارتەبەسى بار ەكەنىن مالىمدەگەن.

ترامپتىڭ قۇجاتتارىن تەكسەرۋ جونىندەگى بۇيرىقتى مانحەتتەن وكرۋگىنىڭ پروكۋرورى سايرۋس ۆەنس الدى. نيۋ-يوركتەگى Mazars LLP بۋحگالتەرلىك فيرمانى، Deutsche Bank جانە Capital One امەريكالىق بانكى سوڭعى توعىز جىلداعى سالىق دەكلاراتسياسىن ءتيىستى ورگاندارعا بەرۋى ءتيىس. ولار جوعارعى سوت شەشىمىن ورىنداپ جاتقانىن مالىمدەدى.

ۆەنس ەكى ايەلگە قۇپيا قارجى اۋدارعانى جونىندەگى مالىمەتتى تەكسەرىپ جاتىر. ولار ترامپپەن بايلانىسى بارىن جاسىرۋ ءۇشىن اقشا الدى دەلىنەدى.

بۇدان بولەك ترامپقا قارسى شاعىمدى كونگرەسستىڭ ءۇش بىردەي كوميتەتى ءتۇسىردى. ولار پرەزيدەنتتىڭ تابىسى جونىندەگى اقپاراتتى اشۋدى تالاپ ەتەدى. بىراق قاراشا ايىندا پرەزيدەنت سايلاۋى وتپەيىنشە، كونگرەسس ترامپتىڭ سالىق دەكلاراتسياسى جونىندەگى مالىمەتكە قول جەتكىزە المايدى.

ترامپ بولسا سوت شەشىمىن "ساياسي قۋدالاۋ" دەپ اتادى. ول تۆيتتەرگە ساياسي كوررپۋتسياعا باتقان نيۋ-يوركپەن كۇرەسۋىنە تۋرا كەلەتىنىن جازدى.

2015 جىلدىڭ ماۋسىم ايىندا سايلاۋعا تۇسەر الدىندا ترامپ بايلىعى 8 ملرد 800 ملن دوللار ەكەنىن جاريالاعان. بىراق Forbes جۋرنالى ترامپتىڭ داۋلەتىن ەكى ەسەگە از كورسەتكەن.

2020 جىلدىڭ ءساۋىر ايىندا Forbes پرەزيدەنتتىڭ بايلىعىن 2 ملرد ءبىر ملن دوللارعا باعالاعان. 2019 جىلمەن سالىستىرعاندا ءبىر ملرد دوللارعا ازايعان.

Abai.kz